Yésaya
51 “Emblana me, a bé ba ni noñ telepsép,
a bé ba ni nyéñ Yéhôva.
Béñgnana liaa i het ba bi yôñôl bé,
ni i libôlôl li ngok i het ba bi timil bé.
3 Ñ, Yéhôva a ga hôgbaha Siôn.+
A ga lona hogbe i bahoma ba bi tjiba,+
a ga boñ le ñoñ wé u yila kiki Éden,+
a ga boñ ki le nkoñ wé u u yé nnumuk u yila kiki wom u Yéhôva.+
Maséé ni diléla,
masoohe inyu ti mayéga ni tjémbi dilam bi ga ba nyoo.+
4 A litén jem, emble me loñge,
a loñ yem,+ sédi ôô inyu emble me.
5 Telepsép yem i ntiige bebee.+
6 Pana mis, ni béñge ngii,
béñgnana ki hisi.
Inyule ngii i ga tu kiki hiida, i sôyi;
hisi hi ga un wengoñle mbot,
i bôt ba nyééne mu ba ga wo kiki banjemje.*
Ni kon bañ minhanak mi bôt ba binam woñi,
bisol gwap bi boñ bañ le ni sehla.
Ndi telepsép yem i ga nom i boga ni boga,
yak tohi me ga lona i ga nom tjai ndi tjai.”+
9 Tôde, a woo u Yéhôva!+
Tôde inyu unda le u gwé ngui!
Tôde kiki i ngéda kôba, kiki i tjai di ngéda kwañ.
10 Baa we bé nyen u bi sés malép ma tuye, malép ma tuye nkeñi?+
Baa we bé nyen u bi yilha malép ma ndip tuye kiki nloñ inyu boñ le bôt u bi kobol ba tagbene mu?+
11 I bôt Yéhôva a bi kobol ba ga témb.+
Ba ga ba ikété mahak ni maséé,
ndutu, to njelel bi ga ba ha bé.+
12 “Men me yé Nu a nhôgbaha bé.+
Mut binam nu a nwo, inyuki u nkon nye woñi,+
yak man mut binam nu a yé kiki kai i i nyuyi?
I mut a ntééñga we, u bé kon nye woñi kel yosôna,
wengoñle a nla tjé we.
Nano hiun hi mut a bé tééñga we, hi yé hee?
14 I mut a hudi, a bak nkañak ni minsañ, a ga kobla ndék ngéda;+
a ga wo bé, a ga jôp bé to i soñ,
to bijek* bi ga héñél bé nye.
15 Men me yé Yéhôva Nyambe woñ,
nu a nyiñgis malép ma tuye, a paak mangudga mé;+
jôl jem le Yéhôva nu mintôñ mi gwét.+
16 Me ga ha bibañga gwem i nyo woñ,
me ga hô we ni yiye i woo wem,+
inyu boñ le me tek ngii, me tek ki dikuu di hisi,+
ni inyu kal Siôn le: ‘U yé litén jem.’+
17 Telep a Yérusalem, tôde ’ilo, tôde ’ilo,+
we nu u bi nyo libôndô li hiun Yéhôva a bi nand we.
U bi nyo libôndô;
u bi nyo libôndô jolisôna li li mboñ le mut a kahal ndiñg.+
18 Ikété bon bôlôm bobasôna a bi gwal, to wada a ta bé ha inyu éga nye,
ikété bon bôlôm bobasôna a bi néñés, to wada a bi gwel bé nye i woo.
19 I mam mana mo ima ma bi pémél we.
Njee a ga bana ngôô inyu yoñ?
Tjiba ni manola, njal ni pansoñ!+
Njee a ga bôôhe we?+
20 Bon boñ bôlôm ba mal kwo lihiô.+
Ba nhiôô hiun hi Yéhôva, kogse i Nyambe woñ.”
21 Soho, emble i jam lini,
a muda nu a nok ndutu, nu a nhiôô, ndi lihiua li wai bé.
22 Nwet woñ le Yéhôva, Nyambe nan nu a nsôñ litén jé, a nkal le:
“Nun-ki! I libôndô li mboñ le u ndiñg,+ me ga héya jo i woo woñ,
libôndô, kop i hiun hiem;
w’a nyo ha bé ki jo kekikel.+
23 Me ga bii jo i moo ma bôt ba bé kép we mbai,+
i bôt ba bé kal we le: ‘Bôdôp, di bet we i ngii!’
Kayéle u bi yilha mbus yoñ kiki nso ’isi,
kiki nloñ inyu boñ le ba kil mu ngii.”