Yésaya
10 Ngoo ni bôt ba ntéé mambén inyu boñ béba,+
hiki ngéda ba mpémés matéak inyu tét bôt,
2 Ba ntjél kéés hop u diyeyeba,
ba nkôde mbagi i minyendek mi bôt mi litén jem,+
ba nkadal nkus u biyik bi bôda,
Njee n’a ke i bat mahôla?+
Hee n’a yigil nkus* nan?
4 Njel ipe y’a ba bé, ndik le ni kee i minkôm,
tole ba nol bé.*
Inyu ndok yap, hiun hié hi nsôs bé,
ndi woo wé u ngi yii nsamblak inyu bép.+
5 “Nuna-ki! Man Asiria nuu,+
nyen a yé hisôô inyu pémés hiun hiem,+
kék i yé nye i woo inyu unda liyot jem!
6 M’a om nye i jôs loñ i i nyan Nyambe,*+
i jôs litén li li ñunbaha me;
m’a ti nye oda le a kadal ngandak nkus ni ngandak masañgô,
ni le a tidbe bo kiki ndobo i minloñ.+
7 Ndi a ga bana bé ngôñ i boñ hala,
a ga bana mahoñol mape mu ñem wé;
inyule sômbôl yé i yé le a tjé,
a sas ki ngandak biloñ, he ndék bé.
8 Inyule a nkal le:
‘I bôt bobasôna me bi téé baane, baa ba bé bé bikiñe?+
9 Baa Kalnô+ a ta bé kiki Karkémis?+
Baa Hamat+ a ta bé kiki Arpad?+
Baa Samaria+ a ta bé kiki Damaskô?+
10 Me* bi yémbél biane bi banyambe ba ba gwé bé nseñ,
bisat gwap bi bé ngandak iloo bi Yérusalem ni bi Samaria!+
11 Baa m’a boñ bé Yérusalem ni bisat gwé
kiki me bi boñ Samaria ni banyambe bé ba ba gwé bé nseñ?’+
12 “I ngéda me Yéhôva, m’a mal nson wem wonsôna i hikôa Siôn ni i Yérusalem, m’a kogse kiñe Asiria inyu ñem wé ngôk, ni lipamal jé, ni mis mé ma diyana.+ 13 Inyule a nkal le:
‘M’a boñ hala ni ngui i woo wem,
lôñni pék yem inyule me gwé pék.
M’a héya minwaa mi nkoñ mi biloñ,+
me kadal masôô map ma nkus,+
kiki mpémba mut, m’a bémbe bôt ba loñ.+
14 Kiki mut a nleñ woo ikété jumbul li hinuni,
m’a leñ woo inyu kadal nkus u biloñ;
kiki mut a nkot matjee le hinuni hi nyék,
m’a kot gwom gwobisôna hana ’isi!
Hinuni to hiada hi ga bép bé bipapai, to nahal nsohol, to kwai.’”
15 Baa nkuleñ a yé le a bana lipém iloo i mut a ngwélél nye?
Baa soo i yé le i bana lipém iloo i mut a ngwélél yo?
Baa ntoñgo u nla nyiñgis i mut a gwé wo?+
Tole kék i nla pa nu a ngwélél yo?*
16 Inyu hala nyen bañga Nwet le Yéhôva nu mintôñ mi gwét
a ga boñ le i bôt ba gwé mahoñ* ba yila minkôt minkôt,+
a ga kuye hié inyu ligis lipém li Asiria.+
17 Ndi mapubi ma Israel+ ma ga yila hié,+
yak Numpubi wé a yila lindômbôô li hié;
li ga loñ, li ligis bikai ni bie bi biloo inyu hilo hiada.
18 A ga mélés bilama bi lipan li Asiria ni nwom nwé;
hala a ga ba wengoñle nkokon nu a yéñi.+
19 I bie bi ga yégle i lipan jé
bi ga ba ndék kayéle yak mañge a ga la soñgol gwo.
20 I kel i, i bôt ba ga yégle i Israel
ni mbôda Yakôb i i ga pei,
ba ga yéñ ha bé mahôla yak nu a bé bép bo;+
ndi ba ga yéñ mahôla yak Yéhôva,
Numpubi nu Israel ni ñem wap wonsôna.
21 Ndik i bôt ba ga yégle bon ba ga témb,
mbôda Yakôb i i ga yégle yon i ga témb yak Nyambe nu ngui.+
22 A Israel, to ibale bôt ba litén joñ
ba yé ngandak kiki lisege li tuye,
ndik ndék bôt ikété yap yon i ga témb.+
23 Ñ, Nwet Bayemlikok le Yéhôva nu mintôñ mi gwét nyen a nyoñ makidik le a ntjé bo,
ba ga tjiba ni loñ yosôna.+
24 Jon haana nyen Nwet Bayemlikok le Yéhôva nu mintôñ mi gwét a mpot: “A bôt ba litén jem, bé ba ni nyééne i Siôn, ni kon bañ man Asiria woñi, nu a mbép bé disôô,+ nu a mpa kék yé inyu bép bé kiki Égiptô a bi boñ.+ 25 Inyule i ngi yii ndik ndék ngéda wee kogse i mal; hiun hiem hi ga lona nye tjiba.+ 26 Yéhôva nu mintôñ mi gwét a ga pa hisôô inyu bép nye,+ kiki a bi boñ i ngéda a bi yémbél Madian i liaa li Ôreb.+ A ga nand ntoñgo wé i ngii tuye, a ga pa wo kiki a bi boñ i Égiptô.+
30 A ngond Galim, londok, u béglak ki!
Yoñ yihe, a Laisa!
Ngoo yoñ, a Anatôt!+
31 Madména a bi ke ngwéé.
Bôt ba Gébim ba bi ke i yéñ lisolbene.
33 Nuna-ki! Bañga Nwet le Yéhôva nu mintôñ mi gwét
a yé i kit mintjep mi bie ni ngandak manyiñgha;+
yak mimbôñgô mi bie mi nkéga,
bie bikeñi bi mbeha ’isi.
34 A mbôk lipan lôñni nkuleñ,
nu a gwé ngui a ga tjé Libañ.