Yésaya
2 To! Maboñok manan mabe mon ma mbagal bé ni Nyambe nan.+
Bibéba binan gwon bi mboñ le a sôô bé su wé,
a tjél ki emble bé.+
3 Mabai manan ma moo ma yé mahindi inyule ma nkôp matjél,+
yak dinoo dinan di yé mahindi inyu béba nan.
Bibép binan bi mpot bitembee,+ dilémb dinan di nsooga mam ma téé bé sép.
4 Mut to wada a nsôñ bé jam li téé sép,+
mut to wada a mpot bé maliga i ngéda a nke i minkaa.
Gwañga bi mam* gwon ba mbôdôl ñem,+ ba podok ki mam ma gwé bé nseñ.
Ba nembee bibéba bi mam, ba gwal mandutu.+
Tonjee a nje matjee map a ga wo,
ibale mut a mbol litjee, péé yon i mpam.
Minson nwap mi yé ndik inyu boñ bôt béba,
moo map ma yé ndik bisañ ni bisañ.+
7 Makôô map ma mpala ke inyu boñ béba,
ba nhoo ke inyu kôp matjél ma mut nu a yé nginsohi.+
Mahoñol map ma yé ndik mahoñol mabe;
maboñok map ma nlona ndik bikuu ni tjiba.+
8 Ba nyi bé njel nsañ,
telepsép i ta bé i homa ba nkil.+
Ba nkôde manjel map;
nu ni nu a nkil mu a ga bana bé nsañ.+
9 Inyu hala nyen mbagi sép i yé haa ni bés,
to telepsép i ga pam bé bebee ni bés.
Di mbot ñem le mapubi ma ga lo, ndi jiibe jon li yé;
di bemek le mapubi ma bai, ndi di ngi kilak ndik i jiibe.+
10 Di mbôble libap li ndap kiki bôt ba ndim;
ibabé waa, di mbôble kiki bôt ba ba gwé bé mis.+
Di mbômda i ñem kosi wengoñle u u nsude;
ipôla bôt ba ngui, di yé kiki bawoga.
11 Bésbobasôna di nkônd kiki ours,
di ntañgal* kiki dibeñ.
Di mbot ñem le telepsép i ga ba, ndi i ta bé;
di mbem tohi, ndi i yé haa ni bés.
Inyule di nyi bibéba gwés;
di nek bé maboñok més mabe.+
13 Di bi boñ béba, di tañba ki Yéhôva;
di bi kôm Nyambe wés mbus.
14 Ba ntimbis mbagi sép ni mbus,+
telepsép i téé haa;+
inyule maliga ma bi baage i homa mbamba nu tison,
telepsép i nla bé jôp mu.
15 Maliga ma ta ha bé,+
i mut a nkôm béba mbus, ba nkadal nkus wé.
16 A bé nhelek i tehe le mut to wada a ta bé,
le mut nu a nhôla bo a ta bé,
inyu hala nyen woo wé won u bi lona tohi,*
telepsép yé yon i bi tinde nye i boñ hala.
18 A ga saa bo inoñnaga ni mam ba bi boñ:+
a ga unbene bôt ba nkolba nye, a kogse ki baoo bé.+
A ga ti biôn nsaa u kôli ni gwo.
19 I pes hiôñg,* bôt ba ga kon jôl li Yéhôva woñi;
i pes likôl,* bôt ba ga ti nye lipém,
inyule Yéhôva a ga pala lo kiki lom nu a nhoo,
nu mbuu wé u nkena.
21 Yéhôva a mpot le: “I pes yem, malômbla mana mon me ga boñ lôñni bo.+ Mbuu wem u u yé i ngii yoñ, yak bibañga gwem me bi ha i nyo woñ, bi ga nyodi bé i nyo woñ, to i nyo u bon* boñ, to i nyo u balal* boñ, ibôdôl nano letee ni i boga ni boga,” hala nyen Yéhôva a mpot.