Hiôb
40 Yéhôva a kônde timbhe Hiôb, a kal nye le:
2 “Baa mut binam a kôli ôm Nu ngui yosôna nsohi,+ a kolba ki nye?
I mut a nyéñ kodol Nyambe a timbhe+ ni.”
3 Hiôb a timbhe Yéhôva le:
4 “Nun-ki! Me ta bé to yom.+
Kii me nla timbhe we?
5 Me bi pot ngélé yada, ndi m’a timbhe ha bé;
ñ, me bi pot ngélé iba, ndi m’a kônde ha bé jam mu.”
6 Ha nyen Yéhôva a bi timbhe Hiôb ikété mbuk mbebi,+ a kal nye le:
7 “Soho kôôba, boñ ki kiki munlôm;
m’a bat we mambadga, le ndi u yis me mam.+
8 Baa u nsômbôl kal le me téé bé sép?
Baa u ga kwés me nkaa inyu boñ le wen u net nkaa?+
10 Soho, eñgep lipémba ni bikeñi;
haba yaga lipém ni bilama.
11 Pémés yaga hiun hioñ hiosôna;
béñge hiki mut nu a yé ngôk, u suhus nye.
12 Béñge hiki mut nu a ngôgôp, u wéha nye nyuu;
tidbe ki bibéba bi bôt ha homa ba tééne.
13 Sôô bobasôna ikété biték;*
kañ ki bo i Soñ,*
14 ha nyen yak me m’a neebe*
le woo woñ walôm u nla tohol we.
15 Nun le Béhémôt,* me bi hek yo kiki me bi hek we.
I nje bikai kiki nlôm nyaga.
16 Nun kiki bôbôk yé i yé mpémba,
ni kiki minsôn mi libum jé mi gwé ngui!
17 I nlédés nwel wé kiki e sidar;
minliiñ mi mabel mé mi yé nlibdaga.
19 Ikété minson mi Nyambe, Béhémôt yon i mbôk;*
ndik Nu a bi hek yo nyen a nla kôôge yo bebee ni pansoñ yé.
20 Inyule nyoo dikôa i het binuga bi bikai gwobisôna bi ntuk,
nyen hisi hi ntine Béhémôt bijek.
22 Bikai bi bi gwé biloo bi nhô yo ni yiye yap;
yak bilagal bi nsôsôgô* bi nkéña yo.
23 I ngéda malép ma mbet, Béhémôt i ñubla bé.
I nkon bé woñi, to ibale lom Yordan+ a nkôbna i nyo wé.
24 Baa mut a yé le a gwel yo, i béñgege,
to tôp jôl jé ni hikoba?*