Yérémia
8 Yéhôva a nkal le: “Ha ngéda i, bôt ba ga hulul bihés bi bikiñe bi Yuda, bihés bi baane bé, bihés bi biprisi, bihés bi bapôdôl ni bihés bi bôt ba Yérusalem. 2 Ba ga bamb gwo le hiañgaa hi béyéi gwo, ni sôñ ni ntôñ gwét u ngii wonsôna inyule ba bi gwés, ba gwélél, ba noñ, ba yéñ, ba ôôp ki i bisu bi gwom bi.+ Mut a ga kot bé bihés bi, bi ga juba bé to. Bi ga yila kiki binan hana ’isi.”+
3 Yéhôva nu mintôñ mi gwét a nkal le: “I bahoma bobasôna me ga sand i bôt ba ga yégle munu lihaa libe lini, ba ga pohol nyemb iloole ba pohol niñ.”
4 “U nlama kal bo le: ‘Haana nyen Yéhôva a mpot:
“Ibale bôt ba nkwo, baa ba ntiimba bé telep?
Ibale mut a nhielba, baa numpe a ga boñ bé nlélém?
5 Inyuki litén lini, bôt ba Yérusalem, ba ntéñbe bé i gwélél me?
Ba nai ni malôga;
ba ntjél hielba.+
6 Me bi sédi ôô, me emble, ndi me bi nok bé bo ba mpot jam li yé maliga.
Mut to wada a ntam bé béba yé, to bat le: ‘Kii me mboñ?’+
Hiki mut a mboñ ndik i jam a ntehe bape ba mboñ, wengoñle hosi i i nke i gwét.
7 Yak nyodol lom i nyi imbe ngéda i nlama puue;*
kukuu, ngañ-njok ni ntat-mbai* ba nhuune i ntéak ngéda.
Ndi litén jem li nyi bé i ngéda, me Yéhôva,+ me nlo i kéés bo.”’
8 ‘Lelaa ni nkal le: “Di gwé pék, di gwé ki mbén* Yéhôva”?
Ndi ki le saô i malôga+ i bôt ba matila, i ntila ndigi bitembee.
9 Bôt ba pék ba nwo nyuu.+
Ba mbôdôl sehla, ba ngwiya.*
Nuna-ki! Ba ntjél lipôdôl li Yéhôva,
imbe pék ba yé le ba bana?
10 Jon me ga ti baa bap bôlôm bape,
me ti ki nwom nwap bôt bape;+
ibôdôl nuntitigi ikepam nunkeñi, hiki wada wap a nje bôt nseñ;+
ibôdôl mpôdôl letee ni prisi, hiki wada wap a mpôs bôt.+
11 Ibabé i boñ biliya,* ba noode mélés kon* u ngond litén jem; ba nkal ndik le:
“Nsañ u yé! Nsañ u yé!”
Ndi ki le nsañ u ta bé.+
12 Baa i mam mabe ba bi boñ ma nkônha bo hison?
Ba nkon bé hison to ndék!
Ba nyi bé to kii ba nsébél le wonyuu!+
Inyu hala nyen ba ga kwo kiki i bôt ba bi bôk ba kwo.
Ba ga tjiba i ngéda me ga lona kogse,’+ hala nyen Yéhôva a mpot.
13 Yéhôva a nkal le: ‘I ngéda me ga kot bo, me ga tjé bo.
matam ma ga yégle bé i nkôô wai, to e faigé i ga bana ha bé matam, yak tjai di ga wo, di kudi.
Ba ga nimis i mam momasôna me bi ti bo.’”
14 “Inyuki di yii hana?
Di kenek, di jôp i bitison bi gwé mapénd, di wélak nyoo.+
Inyule Yéhôva Nyambe wés a ga tjé bés,
a mboñ bés le di nyo malép+ ma ma gwé mbôñ,
inyule di bi boñ mam ma yé mabe i mis ma Yéhôva.
15 Di bééna botñem le nsañ u nla ba, ndi jam lilam li bi lo bé,
di bééna botñem le ngim ngéda y’a lo le kon u mal, ndi mam ma nkônha woñi mon ma yé!+
16 Ibôdôl i Dan, di bi nok liyôgbe li bihosi.
Inyu mbimba i makôô map,
loñ yosôna i nyeñg.
I ngéda baoo ba bi pam nyoo, ba tjé loñ ni gwom gwobisôna bi yé mu,
ba tjé yak tison ni bôt ba nyééne mu.”
17 “Nuna-ki! Me yé i ômle bé nyoo,
nyoo le mut a nla bé bémbe,
i ga kogoo bé,” hala nyen Yéhôva a mpot.
18 Nduña yem i mal bé;
ñem wem u nkon.
19 Nlondok u nlôl i loñ i yé haa inyu bat mahôla,
nlondok u ngond litén jem:
“Baa Yéhôva a ta bé i Siôn?
Baa kiñe yé i ta bé nyoo?”
“Inyuki ba bi unbaha me ni mintjok nwap mi biôñgba,
lôñni bakén bap ba banyambe ba ba gwé bé nseñ?”
20 “Libumbul li ntagbe, sép i mal,
ndi di nkôhna bé tohi!”
21 Ñem u nsiida me inyu kon u ngond litén jem;+
me yé ntombok.
Me yé nhelek.
22 Baa môô* ma ta bé i Giléad?+
Baa mut nu a mélés makon* a ta bé nyoo?+
Inyuki ngond litén jem i mbôôp bé?+