Bingéngén
2 Nwas le nyo u mut numpe* won u bégés we, he nyo woñ bé;
3 Ngok i nyét, yak lisege li yédék,
ndi ibale jôñ mut i ngwélha we njôô, hala a nyét iloo i gwom bi gwo biba.+
4 Njôô i yé béba, ngandak hiun i yé kiki malép ma nhôl,
ndi njôñ i yé béba iloo i gwom bi.+
5 I yé nseñ le u kodol mut i mbamba iloole u gwés nye bisôsôli.+
7 I mut a nuu, a ntjél* yak wéi u u nkuli i babi,
ndi i ngéda njal i gwé mut, yak i yom i nlol i nél nye.
8 Kiki hinuni hi hi nke haa ni jumbul jé,*
hala ki nyen i mut a nyék ndap yé a yé.
9 Môô ni binjinjiñ bi nkônha ñem maséé;
hala ki nyen maéba malam ma mboñ le mut a kôhna bañga liwanda.+
10 U tjôô bañ liwanda joñ, to liwanda li isoñ,
u jôp bañ to i ndap manyuñ i ngéda u gwé ndutu;
i mut a nyééne bebee ni we, a yé nseñ iloo manyuñ nu a yé haa.+
13 Ibale mut a mbép woo i tôl le a nsaa pil u nkén mut, yoñ mbot yé;
ibale a mboñ hala inyu nkén muda, yoñ bibep i nyeni.+
14 Nu a nsayap mut wé libôk tutu bikegla, a ma bédés kiñ,
i mut nu a ga kôhna ndiihe.
15 Muda jomol* a yé kiki nyôl u u nsoo i ngéda nop a no.+
16 I mut a nla gwel nye, a nla gwel yak mbebi,
a nla ki gwel môô ni woo wé walôm.
18 I mut a nyoñ ngéda ni e faigé, a ga je matam mé;+
yak nu a nyoñ ngéda ni nwet wé, a ga kôhna lipém.+
19 Kiki mut a ntehe su wé ikété malép,
hala ki nyen mahoñol ma mut ma nene ikété mahoñol ma mut numpe.
21 Kiki juu li nhôla mut i nyimbi silba ni gôl inyu pubus gwo,+
hala ki nyen ibale ba mbégés mut, a ga yelel i jam li yé nye ñem.*
22 To u ntét jôñ mut ni tidil,
kiki ba ntét kôn ikété ntjobo,
bijôñ gwé gw’a mal bé.
23 U nlama yi lelaa bémba yoñ i yé.
Yoñ ki ngéda ni* mintômba nwoñ,+
24 inyule lingwañ li nom bé mba ni mba,+
to ntut ane u ga nom bé tjai ndi tjai.
25 Kai i nwo, kai ipe i kahal o,
ba nkot yak bikai bi bi yé i ngii hikôa.
26 Ni bon ba mintômba u ga bana mambot,
yak ni balôm ba kembee* u ga somb wom.
27 Milik mi kembee mi ga ba ngandak inyu je woñ,
inyu jés ndap yoñ lihaa ni inyu niñis bagwélél boñ ba bôda.