Hiôb
38 Ha nyen Yéhôva a bi timbhe Hiôb ikété mbuk mbebi,+ a kal le:
3 Soho kôôba, boñ ki kiki munlôm;
m’a bat we mambadga, le ndi u yis me mam.
4 Hee u bé i ngéda me bé hek hisi?*+
Kal ni me, ibale u nhoñol le u nyi.
5 Njee a bi téé minwaa mi hisi, ibale u nyi?
Tole njee a bi gwélél nkôô inyu hek hio?
6 Mél mé ma umne i kinje yom,
tole njee a bi tek ngok yé likas,+
8 Njee a bi kwés tuye ni makôga+
i ngéda a bi puhul, a nyodi mu lingen jé,*
9 i ngéda me bi ha tuye ond kiki mbot,
me kañ* ki nye ni jiibe likeñi,
10 i ngéda me bi tééne tuye minwaa,
me ha ki nye bihimbil ni makôga,+
11 me kal ki tuye le: ‘Sôk yaga ha! U ke bañ iloo ha!
Hana nyen mimpémba nwoñ mi mangudga* mi ga sôk’?+
12 Baa u ma* ti kegla oda,
to kal kel numbe homa i nlama yél,+
13 le ndi mapubi ma kel ma kee letee ni masuk ma ’isi,
ma luhul ki bibéba bi bôt+ bi yé hana ’isi?
14 Mapubi ma nhéñha hisi kiki béndél i nhéñha ték lima,
ha nyen bilama bi hisi bi nene kiki bilama bi mbot.
15 Ndi bibéba bi bôt bi ga kôhna bé mapubi map;
yak woo wap u u mpaaba u ga bugi.
16 Baa u bi sôs letee ni i mangen ma tuye,
tole u bi wan ndip malép i tuye?+
18 Baa u bi pam i yi bikeñi bi hisi?+
Kal ni me, ibale u nyi i mam ma momasôna.
19 Mapubi ma nyééne imbe pes,+
yak jiibe li yiine hee,
20 inyu boñ le u éga gwo i nkoñ wap,
ni le u yi manjel ma nkena i ndap yap?
21 Baa u nyi hala inyule u bé u ma gwéé i ngéda me bé hek gwom gwobisôna?
Baa u nyi ki hala inyule u gwé ngandak nwii?*
23 I gwom bi yaga gwon me bi tééda inyu ngéda bikuu,
inyu kel lijo ni kel gwét.+
25 Njee a bi tém mbôga inyu hundul malép,
njee a bi kan ki njel inyu nwegnwek i ngéda mbambat i mbam,+
26 inyu boñ le nop a no i homa mut nye ki nye a nyééne bé,
yak i ñoñ i het mut binam to wada a ta bé,+
27 inyu nuus ñoñ,
inyu boñ ki le bikai bi oo?+
29 I libum li njee minluñ mi ais mi bi pémél,
njee ki a bi gwal minluñ mi ais i i nlôl i ngii,+
30 njee a bi boñ le ngii malép i let kiki ngok,
ni le ngii ndip malép i maba?+
31 Baa u nla kañ minkôô mi liuñ li tjôdôt li Kima,*
32 Baa u nla pémés liuñ li tjôdôt* i ntéak wé ngéda,
tole baa u nla éga liuñ li tjôdôt li Ash* ni bon bé?
33 Baa u nyi mambén ma ma ñéga i gwom bi yé i ngii,+
tole baa we nyen u ñéga gwo le bi énél ’isi?
34 Baa u nla bédés kiñ letee ni nyoo i ond,
inyu boñ le nop a nôl we+ bañga bañga?
35 Baa u nla om banwegnwek?
Baa ba ga lo i kal we le: ‘Bés bana!”?
37 Njee a nla bana pék inyu soñgol ond yosôna,
tole njee a nla sop malép ma ngii,*+
38 njee a nla boñ le biték bi yila liboo li li nkuli,
ni le bisuñ bi biték bi adba gwo ni gwo?
39 Baa u nla ke i nsômbi inyu lona mbondo njéé nuga,
tole u nla ti bon ba mbondo njéé+ bijek le ba nuu i ngéda njal i gwé bo?
40 I ngéda ba nsolop ikété bihôk gwap,
tole i ngéda ba ñamb manyuu mu mayééne map, baa u nla jés bo?
41 Njee a nyiñil boboñ bijek,+
i ngéda bon bé ba nlôndôl Nyambe,
ba hiômôk homa nyensôna inyule ba gwé bé yom i je?