Bingéngén
9 Bañga pék i mal oñ ndap yé;
i téé ki mél mé masaambok.
3 I bi ep bagwélél bé ba bôda,
le ba kee i bahoma ba nyôgi ba tison,+ ba lond le:
4 “A bé ba ni gwé bé yi, lona hana.”
I nkal ba ba gwé bé pék* le:
5 “Loga, ni je bret gwem,
ni nyo ki wai me mpôdna.
7 Nu a nkodol mut minjôha a ga kôhna wonyuu,+
nu a nkodol béba mut a ga nok ndutu.
8 U kodol bañ mut minjôha, tiga le a oo we.+
Kodol mut pék, ndi a ga gwés we.+
9 Ti mut pék maéba, ndi a ga kônde bana pék.+
Niiga mut a téé sép, ha nyen yi yé y’a kônde keñep.
11 Inyule pék i ga boñ le dilo tjoñ di niñ di bôl,+
w’a kônde ki bana nwii mi niñ.
12 Ibale u nyila mut pék, wen w’a kôhna nseñ u pék yoñ,
ndi ibale u yé mut minjôha, wetama nyen bikuu bi ga kwél.
13 Jôñ muda i nla hop.+
A gwé bé yi, a nyi yaga bé jam jo ki jo.
14 A nyén i lijubul li ndap yé,
a nyén ki i yééne, i bahoma ba nyôgi ba tison,+
15 a nsébél bôt ba ntagbe ni kiñ ikeñi,
i bôt ba ntagbe kiki nloñ u téé:
16 “A bé ba ni gwé bé yi, lona hana.”
17 “Malép ba nip ma yé malam,
yak bijek ba nje bisôsôli bi ne.”+