Tjémbi
Biniigana inyu ñéga kôa; kingéda nsik u u gwé ño le “U tjé bañ.” Miktam* i David, i ngéda a bé ke Saulô ngwéé, a solop i hôk liaa.+
57 Kônôl me ngoo, a Nyambe, kônôl me ngoo,
inyule me nsolbene i weeni;+
ñ, me nsolbene isi yiye i bipapai gwoñ letee mandutu ma tagbe.+
2 Me nlôndôl Nyambe Nungingii,
bañga Nyambe, nu a nsôñ me mu mandutu mem.
3 A ga éble me mahôla, ma lôlak nyoo ngii, a ga sôñ+ ki me.
A ga ôbôs bipék bibe bi nu a nyéñ gwel me.
Nyambe a ga unda* loñge yé ñem* ni libak jé li maliga.+
me yé nyégsaga i nañal ipôla bôt ba ba gwé ngôñ i je me,
masoñ map ma yé kiki makoñ, ma bak ki kiki makoñ ma mpihlôñgô,
yak hilémb hiap hi yé kiki pansoñ i i nhoo.+
5 A Nyambe, unda lipémba joñ nyoo i ngingii!
Lipém joñ li ba ni hisi hiosôna.+
Baoo bem ba bi tém bee mu njel yem,
ndi bomede bon ba bi kwo mu.+ (Selah)
7 Ñem wem u tiñi ni we, a Nyambe,+
ñem wem u tiñi ni we.
M’a tôp tjémbi, me kôt ki nsik.
8 Tôde, a lipém jem!
Tôde, a kôkôda i manganda; yak we tôde, a hiluñ.
M’a tôdôl maye ma kel.+
9 A Yéhôva, m’a bégés+ we ikété matén.
M’a tubul we tjémbi di bibégés*+ ikété biloñ.
10 Inyule loñge yoñ ñem* i yé ikeñi, i mpam letee ni ingii,+
yak libak joñ li maliga li mpam letee ni i ond i ngii.
11 A Nyambe, unda lipémba joñ nyoo i ngingii!
Lipém joñ li ba ni hisi hiosôna.+