Tjémbi
Hiémbi hi Asaf.+
79 A Nyambe, biloñ bi mal jôp mu ngababum+ yoñ;
bi nhindis témpel yoñ ipubhaga;+
bi nyilha ki Yérusalem likund.+
2 Bi bi yoñ mim mi bagwélél boñ, bi ti nwo dinuni di ngii le di je,
bi yoñ yak minsôn mi bôt ba tiñi ni we, bi ti nwo binuga bi bikai le bi je.+
3 Bi kôp matjél map kiki malép mu mapañ ma Yérusalem,
to mut a bé ha bé inyu jô bo.+
4 Di nyila yom diyana inyu bôt bés ba libôk;+
yak i bôt ba nkéña bés ba ndegle bés, ba nolok bés hiol.
5 Éé a Yéhôva, u ga unup ngandak letee ni ngéda mbe? Baa u ga unup i boga ni boga?+
Hiun hioñ hi ga loñ kiki hié letee ni ngéda mbe?+
6 Kôp hiun hioñ i ngii biloñ bi bi nyi bé we,
ni i ngii biane bi bi nsébél bé jôl joñ.+
7 Inyule ba bi tjé bon ba Yakôb,
ba ôbôs ki loñ+ yap.
8 U ôm bañ bés nsohi inyu mahôha ma basôgôlsôgôl+ bés.
Kon bés ngoo ibabé i lep ngéda,+
inyule ba nsuhus bés kiyaga.
9 A Nyambe nu tohi+ yés,
inyu jôl joñ likeñi, hôla bés;
inyu jôl joñ, sôñ+ bés, u nwéhél* ki bibéba gwés,
10 le ndi biloñ bi kal bañ le: “Nyambe wap a yé hee?”+
Nwas le di tehe lelaa u ga pun matjél ma bagwélél boñ ma ma nkuba,
di tehe ki lelaa i mapuna ma m’a yiba ikété biloñ.+
11 Emble kiki bôt ba mok ba nsiida.+