Ndiimba Mbén

32 “A ngii, sédi ôô inyule me nsômbôl pot,

yak hisi hi emble bibañga bi nyo wem.

 2 Biniigana gwem bi ga no kiki nop;

bibañga gwem bi ga kwo kiki manwee,

kiki hilônde hi hi nkeede i ngii bikai,

kiki biôôm bi bi nyôôs bikai.

 4 A yé Liaa, nson+ wé u yé peles,

inyule manjel mé momasôna ma téé sép.+

A yé Nyambe nu maliga,+ ngitelepsép+ i ta bé i nyeni;

a téé sép,+ mbagi yé i kôdi bé.

 6 Baa hala nyen ni nlama boñ Yéhôva,+

a bé bijôñ bi bôt ni ba ba gwé bé pék?+

Baa nye bé nyen a yé Tata nan nu a bi ti bé niñ,+

Nu a bi hek bé, a yilha ki bé ngim litén?

 7 Hoñlana dilo di kôba;

bigdana nwii mi tjai di bi tagbe.

Bat isoñ, a nla kal+ we;

yak mimañ nwoñ mi bôt, mi ga añle we.

 8 I ngéda Nungingii a bi ti biloñ ngababum+ yap,

i ngéda a bi bagal bon ba Adam,*+

a bi téé minwaa mi minkoñ mi biloñ+

inoñnaga ni nsoñgi u bon ba Israel.+

 9 Inyule litén li Yéhôva jon li yé ngaba yé;+

Yakôb a yé ngababum yé.+

10 A bi koba nye i loñ+ i i yé ñoñ,

i homa a yé hôlô,+ i het ba nok ndik binuga bi mbégél.

A bi tat nye, a tééda ki nye,+

a sôñ nye kiki nso wé u jis.*+

11 Kiki nyôgôl u niiga bon bé i puue,

i mbus, u puue i ngii yap,

u sambal bipapai gwé, u yoñ bo,

u begee ki bo mu tjimba+ tjé,

12 Yéhôva nyetama nyen a bé éga+ nye;*

nkén nyambe nye kiki nye a bé bé lôñni nye.+

13 A bi boñ le a tagbene bahoma ba nyôgi+ ba hisi,

inyule a bi je bijek bi wom.+

A bi jés nye wéi u nlôl i maaa,

môô ma nlôl i ngok* i i nlet ngandak,

14 bota i i nlôl i milik mi nyaga, ni milik mi mintômba,

lôñni mintômba mi mahoñ,*

balôm ba mintômba ba Basan, lôñni balôm ba kembee,

lôñni loñge blé;*+

u nyok wai i nlôl i matjél* ma matam ma nkôô wai.

Jon a bi hôya Nyambe nu a bi hek nye,+

a yan Liaa li tohi yé.

16 Ba bi unbaha nye ni bakén ba banyambe;+

ba hindha ki nye ñem ni mam ma ma nsuñgaha ñem.+

17 Ba bé ti mimbuu mimbe bisesema, ndi ha Nyambe+ bé,

banyambe le ba bé yi bé,

banyambe ba mondo ba ba bi tip lo,

ba basôgôlsôgôl banan ba bi yi bé.

18 U bi hôya Liaa+ li li bi gwal we,

u bi hoñol bé Nyambe nu a bi ti we niñ.+

19 I ngéda Yéhôva a bi tehe hala, a bi tjôô+ bo

inyule bilok gwé ni bingond gwé bi bi unbaha nye.

20 Jon a bi kal le: ‘M’a sôô su wem le ba tehe ha bañ wo;+

m’a tehe i yom ba ga yila.

Inyule ba yé hiai hi mam mabe,+

bon bôlôm ba ba ta bé maliga.+

21 Ba bi unbaha me* ni yom i ta bé nyambe;+

ba hindha me ñem ni bisat+ gwap bi bi gwé bé nseñ.

Jon yak me m’a tôdôl njôñ yap ni njel ba ba ta bé ngim litén,+

Me boñ ki le loñ i bijôñ bi bôt i hindha bo ñem.+

22 Inyule hiun hiem hi bi kala kiki hié+

hi hi nloñ letee ni i Soñ,*+

hi ga ligis hisi ni matam mé,

hi ga ligis yak tén dikôa.

23 M’a bulus bikuu gwap;

m’a ôm bo makoñ mem momasôna.

24 Njal+ i ga wéés bo,

lihep li ga gwel bo, yak ni tjiba ikeñi.+

M’a om binuga bi bikai le bi kogoo bo,+

yak ni nyoo i i gwé mbôñ.

25 I mbégdé, pansoñ i ga nol+ bôt bap;

ikété ndap, mañge munlôm ni mañge muda,

nkéñéé man ni mañ mut+

ba mba ba nkon woñi.+

26 Me yé le me kal le: “M’a sand bo,

me boñ ki le bôt ba hôya bo.”

Ba yé le ba kal le: “Ni ngui yés nyen di nyémbél;+

Yéhôva bé nyen a mboñ i mam mana momasôna.”

28 Inyule ba yé loñ i bôt ba ba gwé bé yi,*

to mut a noga mukété yap a ta bé.+

30 Lelaa mut wada a yé le a noñ 1 000 hi bôt,

bôt iba ba yé le ba kiha 10 000 di bôt ngwéé?+

Ibale Liaa jap li nuñul+ bé bo,

ibale Yéhôva a tjôô bé bo.

31 Inyule liaa jap li ta bé kiki Liaa+ jés,

yak baoo bés ba nyi hala.+

32 Inyule nkôô wap wai u nlôl i minkôô mi wai mi Sôdôm,

i nwom mi minkôô mi wai mi Gômôra.+

Matam map ma nkôô wai ma yé matam ma mbôñ,

yak mayuu map ma nlol.+

33 Wai yap i yé mbôñ i nyoo,

béba mbôñ i hiyo nyoo.*

34 Baa maboñok map ma ta bé ntéédaga i meeni,

mbandak ikété mandugi+ mem?

35 Mapuna ma yé mem, men m’a timbhe,+

i ntéak ngéda, kôô wap w’a sendi,+

inyule hilo hi njiiha hi yé bebee,

i yom i yé nkôôbaga inyu yap i ga pala lo.’

36 Inyule Yéhôva a ga kéés litén+ jé,

a ga kônôl bagwélél+ bé ngoo*

i ngéda a ga tehe le ngui i mal bo,

ni le ndik bôt ba ba gwééba ha bé ni mintombok mi bôt nwon mi nyégle.

37 I mbus, a ga kal le: ‘Hee banyambe+ bap ba yé,

hee liaa ba bé solbene li yé,

38 ba ba bé je biloñge gwap bi bisesema,*

ba nyok wai i makébla+ map?

39 Nano yina le men me yé Nyambe,+

nyambe numpe a ta bé handugi me.+

me nol, me nti ki niñ,+

me mbabaa,+ me mbuubaha+ ki,

mut to wada a nla bé sôñ bé i woo+ wem.

40 Inyule me mpa woo wem i ngii,

me kum soñ le: “Ntel wonsôna me niñ i boga ni boga,”+

41 Ibale me nhôl pansoñ yem i i mbai,

me kôôba ki inyu bikééhene,+

m’a saa baoo+ bem i yom ba bi boñ,

me timbhe ki ba ba ñoo me.

42 M’a boñ le makoñ mem ma hiôô matjél,

matjél ma bôt ba ba nôla ni ma bôt ba ba bi ke i minkôm,

pansoñ yem y’a je minsôn,

minsôn mi miño mi baane ba baoo.’

43 A biloñ, kona maséé, bé lôñni litén+ jé,

inyule a ga pun matjél ma bagwélél+ bé,

A ga saa baoo+ bé i yom ba bi boñ nye,

a ga pubus* loñ i litén jé.”