Hiôb
2 Kel ipe, bon ba Nyambe*+ ba jôp inyu telep i bisu bi Yéhôva,+ yak Satan a jôp ipôla yap, a telep i bisu bi Yéhôva.+
2 Ha nyen Yéhôva a bi bat Satan le: “U nlôl hee?” Satan a timbhe Yéhôva le: “Me bak me nkiiña mu ’isi, me bedek, me sôhôk.”+ 3 Yéhôva a kal ki Satan le: “Baa u nyimbe ngwélél wem Hiôb? Mut numpe a ta bé i nkoñ ’isi kiki nye. A yé mut a téé sép, a bak ngi nsohi,+ a konok Nyambe woñi, a keñglege ki béba. A ntéñbe i ba ngi nsohi,+ to hala kiki u nyéñ le me tjé* nye+ ngi njom.” 4 Ndi Satan a timbhe Yéhôva le: “Kôgôô inyu kôgôô. Mut a’ ti gwom gwobisôna a gwé inyu sôñ niñ* yé. 5 Ndi sambal le woo woñ, u bép bihés gwé ni minsôn nwé; ibabé pééna, a’ tiihe we i mbombom.”+
6 Yéhôva a kal Satan le: “Nun-ki, a yé i moo moñ!* Ndi u nol bañ nye!”* 7 Ha nyen Satan a bi pam, a nyodi i bisu* bi Yéhôva; a bép Hiôb ni bikéé bi mot,+ ibôdôl yaga isi mabal mé letee ni i ngii ño wé. 8 Hiôb a yoñ pes hibôi, a kahal kombbana yo, a bak a yii i libu.+
9 Nwaa a kal nye le: “Baa u ngi tiñi ni Nyambe? Tiihe Nyambe, u wo!” 10 Ndi Hiôb a kal nwaa le: “U mpot kiki jôñ muda. Baa di nlama ndik neebe mam malam bañga Nyambe a nti bés? Baa di nlama bé neebe yak mam mabe?”+ To hala kiki i mam mana ma bi kwél Hiôb, a bi pot bé jam libe jo ki jo.*+
11 I ngéda mawanda maa* ma Hiôb ma bi nok i mandutu ma bi kwél nye, hiki wada a nyodi i wé homa; môl map mana: Élifas,+ man Lôk Téman; Bildad,+ man Lôk Sua;+ yak Zôfar,+ man Lôk Naama. Bobasôna ba bi nôgla le ba bomna inyu ke i pôdôs Hiôb ni inyu hôgbaha nye. 12 I ngéda ba bi tehe nye haa, ba yi bé le nye nu. Ndi kiki ba ntiige nye bebee, ba bôdôl ee makeñi, ba was mambot map, ba nwes biték i ngii, ba kôbôk gwo i ngii miño+ nwap. 13 Ba yén ’isi lôñni nye dilo disaambok.* To wada wap a pot bé to buk, inyule ba bé tehe le ndutu yé i bé ikeñi kiyaga.+