Tjémbi

65 A Nyambe, di ga bégés we i Siôn;+

di ga yônôs makak di bi kégél we.+

 3 Mahôha mem ma nyuu me,+

ndi u nwéhél* maboñok més mabe.+

 4 I mut u mpohol, u tiigaha ki nye bebee,

le a yén i bikotoo+ bi ndap yoñ, a yé kimasoda.

Di ga nuu gwom bilam gwobisôna bi yé mu ndap yoñ,+

i témpel yoñ ipubhaga.*+

 5 A Nyambe nu tohi yés,

u ga timbhe masoohe més ni minson nwoñ mi hélha;+

i bôt ba niñ i nkoñ ’isi wonsôna ba mbôdôl we ñem,+

yak ni ba ba nyééne haa, nyoo ii pes i tuye.

 6 U* bi tibil téé dikôa ni ngui yoñ;

u* hééba lipémba.+

 7 U* mômôs mbimba i tuye,+

u* mômôs liyôgbe li mangudga ni liyôgbe li matén.+

 8 Bihélha gwoñ bi mam bi ga hélés i bôt ba nyééne i masuk ma ’isi;+

i bôt ba nyééne ibôdôl i minkoñ i het hiañgaa hi mpémél letee ni i minkoñ i het hiañgaa hi nañle, u ga boñ le ba leñ diléla.

 9 U ntééda hisi loñge,

u mboñ ki le hi num ngandak* matam, hi nti ki bijek kiyaga.+

U nyônôs lom ni malép;

u nti bôt ba binam bijek,+

inyule hala nyen u bi kôôba hisi.

10 U nkôp malép mu dikuu tjé, u mboñ ki le i hisi hi nséla hi* tegep;

u ntômbôs hisi ni banop bakeñi; u nsayap hio le i gwom ba mbel mu bi oo.+

11 U nsayap i nwii unu ni ngandak gwom bilam;*

to hee homa u nke, u nti ngandak gwom bilam.*+

12 Bikai bi ñoñ bi mbôl ndik bôl ni bôl,*+

yak dikôa di yé nyonok ni* maséé.+

13 Bahoma ba bikai ba yôni ni bibémba,

yak minsôsôgô* mi yôni ni blé.+