Tjémbi
Hiémbi hi David.
29 Tina Yéhôva lipém li li kôli ni nye, a bé bon ba mimpémba,
tina Yéhôva lipém li li kôli ni nye inyu lipémba jé ni ngui+ yé.
2 Tina Yéhôva lipém li li kôli ni jôl jé.
Ôôbana* i bisu bi Yéhôva ni mambot mapubhaga.*
3 Kiñ i Yéhôva i nôga i ngii malép.
Nyambe nu lipém a mbam kiki mbambat.+
Yéhôva a yé i ngii ngandak malép.+
4 Kiñ i Yéhôva i gwé ngui;+
kiñ i Yéhôva i yôni ni lipém.
5 Kiñ i Yéhôva i mbôk bie bi sidar;
ñ, Yéhôva a nyugut bie bi sidar bi Libañ.+
7 Kiñ i Yéhôva i mpémés mandômbôô ma hié;+
8 kiñ i Yéhôva i nyiñgis ñoñ;+
Yéhôva a mpôgôs ñoñ u Kades.+
9 Kiñ i Yéhôva i mboñ le miñin mi ngôlôñ mi sehla, mi gwal ki,
i mboñ yak le mapan ma yégle hôlô.+
Bobasôna mu témpel ba nkal le: “Lipém li ba ni Nyambe!”
10 Yéhôva a yii i yééne yé ane, i ngii hundul;*+
Yéhôva a yii i yééne yé ane, a’ ba Kiñe i boga ni boga.+
11 Yéhôva a’ ti litén jé ngui.+
Yéhôva a’ ti litén jé nsañ+ inyu sayap jo.