Tjémbi
Biniigana inyu ñéga kôa; nsik ba nkôt lôñni bikôkôda bi manganda. Hiémbi hi David.
4 Éé a Nyambe wem nu a téé sép,+ i ngéda me nsébél we, timbhe me.
Péyés me* i ngéda bikuu.
Kônôl me ngoo, emble ki masoohe mem.
2 A bé bon ba bôt, n’a yoñ lipém jem, ni yilha jo wonyuu letee ni ngéda mbe?
N’a gwés gwañga bi mam, ni temblak ki letee ni ngéda mbe? (Selah)
3 Yina le i bôt ba tiñi ni nye, Yéhôva a ga diihe bo bañga lidiihege;*
Yéhôva a ga emble me i ngéda m’a sébél nye.
4 Ibale ni ñunup, ni boñ bañ béba.+
Ni pôdôl i miñem minan, mu nañi nan, ni mom ki nwee. (Selah)
5 Tina bisesema bi telepsép,
ni bôdôl ki Yéhôva ñem.+
6 Ngandak i nkal le: “Njee a’ unda bés mam malam?”
Éé a Yéhôva,+ boñ le mapubi ma su woñ ma béyéi bés.
7 U bi yônôs ñem wem ni maséé
ma ma nloo maséé ma bôt ba ba mbumbul ngandak bijek* ni wai yondo.