Tjémbi
Biniigana inyu ñéga kôa; kingéda nsik u “Hibeñ hi hi yé nwee, hi bak haa.” Miktam* i David, i ngéda bôt ba Filistia ba bi gwel nye i Gat.+
56 A Nyambe, kon me ngoo, inyule bôt ba binam ba nleñ me gwét.*
Kel yosôna, ba nwaa bé jôs me, ba tédék me.
2 Kel yosôna, baoo bem ba nyéñ le ba gwel me;
ngandak i njôs me ni ngôk.
3 I ngéda me nkon woñi,+ me mbôdôl we ñem.+
4 Me mbôdôl Nyambe ñem, me mbégés nye inyu bañga yé;
ñ, me mbôdôl Nyambe ñem, me nkon bé woñi.
5 Kel yosôna, ba ntééñga me;
ba nhoñol ndik i boñ me béba.+
7 Tjôô bo inyu béba yap.
Éé a Nyambe, kwés matén ’isi ikété hiun hioñ.+
8 U nyimbe hiki homa me mbiine mabal mem i ngéda me nyôm.+
Tééda gwiiha gwem ikété hibôi hioñ hi bikôp.+
Baa bi ta bé mukété kaat yoñ?+
9 I kel m’a sébél we le u hôla me, baoo bem b’a témb ni mbus.+
Me yé nkwoog nkaa ni i jam lini: Nyambe a yé ni me.+
10 Me mbôdôl Nyambe ñem, me mbégés nye inyu bañga yé;
ñ, me mbôdôl Yéhôva ñem, me mbégés nye inyu bañga yé.
11 Me mbôdôl Nyambe ñem, me nkon bé woñi.+
Mut binam a nla boñ me kii?+