Yésaya
49 A biôn, emblana me,
a biloñ+ bi yé haa, sédna maôô.
Yéhôva a bi sébél me ilole me ngwéé.*+
A bi sima jôl jem ki me ngi yii i libum li mama yem.
2 A bi yilha nyo wem kiki pansoñ i i nhoo;
a sôô me i yiye i woo+ wé.
A yilha me kiki likoñ li ba nhôl;
a sôô me ikété sogoo yé.
4 Ndi me timbhe nye le: “Me bi tumbba yañga.
Me bi mélés ngui yem inyu to jam, ngi nseñ wo ki wo.
5 Nano, Yéhôva nu a bi uñgus me ibôdôl i libum inyu ba ngwélél wé,
a nkal me le me témbna Yakôb i nyeni,
inyu boñ le Israel a kodba i nyeni.+
Me ga kôhna lipém i bisu bi Yéhôva,
Nyambe wem a ga ba ngui yem.
6 A nkal ki me le: “U ga ba ndik bé ngwélél wem
inyu tiimba téé matén ma Yakôb,
ni inyu témbna bôt ba Israel ba ba bi pei.
7 Yéhôva, Nkobol nu Israel ni Numpubi+ wé, a nkal i mut ba nyan,+ i mut loñ yosôna i ñoo, i mut a yé ngwélél nu baane, le:
“Bikiñe bi ga tehe, bi telep,
baane ba ga ôôp
inyu ti Yéhôva, nu a yé maliga,+ lipém;
ñ, Numpubi nu Israel nu a bi pohol we.”+
8 Haana nyen Yéhôva a nkal:
“I ngéda me bé lama unda we loñgeñem,* me bi timbhe we;+
i kel tohi, me bi hôla+ we;
me bé sôñ we le u ba malômbla inyu bôt,+
le u téé loñ,
le u timbhe litén jem ngababum+ yap i i bi yégle hôlô,
9 le u kal bôt ba mok le ba pam!+
Ni i bôt ba yé i jiibe+ le ba pam i mapubi!
Ba ga kehel bikai mu mapañ ma minloñ,
manjel map momasôna* ma ga bana bahoma ba njél bikai.
11 M’a yilha dikôa tjem tjodisôna njel,
minloñ nwem minkeñi nwominsôna mi ga ba mi nyôgi.+
13 Leñ diléla a ngii, kon maséé a hisi.+
Dikôa di kon maséé, di leñ ki diléla.+
14 Ndi Siôn a bi waa bé pot le:
“Yéhôva a ntjôô+ me, Yéhôva a nhôya+ me.”
15 Baa muda a nla hôya man wé nu a nyuñus,
tole muda a nla yôi man nu a bi begee i libum jé?
To ibale i bôda bana ba nhôya, me me yé mbén i hôya+ we.
16 Nun-ki! Me mal tila* jôl joñ munu mabai mem ma moo.
Mapénd moñ ma yé i bisu gwem ngéda yosôna.
17 Bon boñ ba yé i témb ngwéé ngwéé.
I bôt ba bi nyugut we, ba tjé ki we, ba ga nyodi i weeni.
18 Pa mis, u béñge ipañ yoñ.
Bobasôna ba yé i kodba.+
Ba yé i lo i weeni.
“Me nkum soñ ni niñ yem,” hala nyen Yéhôva a mpot,
“u ga haba bobasôna kiki ba nhaba mambot,
u ga téñba bo kiki sombo a ntéñba nkai.
19 To hala kiki mayééne moñ ma ga bugi, ma yégle hôlô, yak loñ yoñ i tjiba,+
hisi hi ga kola bé inyu bôt ba ga yik lo i yééne mu;+
20 I bon bôlôm u ga gwal i mbus bon ba bisu u bi nimis, ba ga kal we le:
‘Homa nunu a yé ntitigi inyu yem.
Kéñbaha nye inyu boñ le me yén ha.’+
21 Ha nyen u mba u mbadba mu ñem woñ le:
‘Njee a yé isañ bon bana me gwé,
inyule me bi nimis bon bem, me yila kom muda,
me ke i minkôm, me ke ki i ndap mok?
Njee a bi néñés i bon bana?+
22 Haana nyen Nwet Bayemlikok le Yéhôva a nkal:
Ba ga ôôp i bisu gwoñ, ba ôm mbom ’isi,+
ba ga la biték bi yé i makôô moñ,+
ha nyen w’a yil le me yé Yéhôva;
i bôt ba mbôdôl me ñem ba ga kon bé hison.”+
24 Ibale mpémba mut u nkena bôt i minkôm, baa mut a nla pémés bo?
Ibale mut a gwé énél i mbanda a nha bôt i mok, baa mut a nla kobol bo?
25 Ndi haana nyen Yéhôva a nkal:
“Ba ga pémés i bôt ba yé i minkôm,+ yak mpémba mut,
ba ga kobol i bôt ba yé i mok, yak mut a gwé énél i mbanda.+
Me ga jôs i bôt ba njôs we,+
me ga sôñ bon boñ.
26 I bôt ba ntééñga we, me ga jés bo minsôn nwap,
ba nyo matjél map, ba hiôô wengoñle mut nu a nyo wai yondo.