Tjémbi
Biniigana inyu ñéga kôa. Hiémbi hi David.
31 Éé a Yéhôva, i weeni nyen me nsolbene.+
U neebe bañ kekikel le me wo nyuu.+
Sôñ me inyule u téé sép.+
2 Sédne me ôô.*
Pala lo i sôñ me.+
Yila hikôa hiem i het me nsolbene,
ni lipénd jem li ngui inyu tohol me.+
5 Me mbii mbuu wem i moo moñ.+
Éé a Yéhôva, Nyambe nu maliga,+ u bi kobol me.
6 Me ñoo i bôt ba mbégés bisat bi bi yé yañga, bi bi gwé bé to nseñ;
ndi me, me mbôdôl Yéhôva ñem.
8 U bi ti bé me i moo ma ñoo wem,
ndi u ntéé me i homa jam jo ki jo li nkônha bé me woñi.*
9 Éé a Yéhôva, kon me ngoo, inyule me yé ikété ndutu.
Njiiha i mboñ le mis mem ma waa,+ yak nyuu yem yosôna yaga.+
Ngui yem i nsôs inyu hihôha hiem;
bihés gwem bi nkoñg.+
11 Baoo bem bobasôna ba nyan me,+
téntén bôt bem ba libôk.
I bôt ba nyi me ba nséhba i ngéda ba ntehe me;
i ngéda ba ntehe me i mbégdé, ba nke me ngwéé.+
12 Ba bi sas me mu miñem nwap,* ba hôya me wengoñle me bi wo;
me yé kiki hibôi hi hi mbôô.
13 Me bi nok ngandak bôt i nsok me;
me nkon woñi ngandak inyule ba nkéña me bipes gwobisôna.+
14 Ndi me mbôdôl we ñem, a Yéhôva.+
Me nkal le: “U yé Nyambe wem.”+
15 Dilo tjem* di yé i woo woñ.
Tohol me i moo ma baoo bem, ni i moo ma bôt ba ntééñga me.+
16 Béyés su woñ i ngii ngwélél woñ.+
Tohol ngwélél woñ ni loñge yoñ ñem.*
17 Éé a Yéhôva, u neebege bañ le me wo nyuu i ngéda me nsébél we.+
18 Bibép bi bitembee bi kwoo mbuk,+
bibép bi bi mpot mut a téé sép béba, bi podok lôñni ngôk, ni diyana.
19 Loñge yoñ ñem i mbuma ñañ!+
U bi tééda yo inyu ba ba nkon we woñi,+
u bi unda yo i bisu bi bôt bobasôna, inyu ba ba nsolbene i weeni.+
21 Yéhôva a kôli ni bibégés!
Inyule a ñunda me loñge yé ñem* i nya i mbuma ñañ+ mukété tison baoo ba nkéña.+
22 Me bi kon woñi, me kal le:
“M’a tjiba i bisu gwoñ.”+
Ndi i ngéda me bi yemhe we le u hôla me, u bi nok minlondok nwem.+
23 Ni gwés Yéhôva, a bé bobasôna ba ni ntéñbe ni nye!+