Tjémbi

119 I bôt ba yé ngi nsohi* ba yé maséé,

ba ba nôgôl mbén Yéhôva.+

 2 I bôt ba ntééda mabéhna+ mé ba yé maséé,

ba ba nyéñ nye ni ñem+ wap wonsôna.

 3 Ba mboñ bé mam ma téé bé sép;

ba nkil mu manjel+ ma Nyambe.

 4 A Nyambe, u bi ti bés oda

le di noñ mabéhna+ moñ.

 5 Ibale me bak to le me téñbe ni we,*+

inyu boñ le me noñ matiñ moñ,

 6 ki m’a wo bé nyuu+

i ngéda me nwan mambén moñ momasôna.

 7 M’a bégés we ni ñem maliga,

i ngéda m’a nigil mbagi sép yoñ.

11 Me bi tibil tééda bañga+ yoñ i ñem wem,

le ndi me boñ bañ béba i mis moñ.+

12 A Yéhôva, u kôli ni bibégés;

niiga me matiñ moñ.

13 Ni bibép gwem, me ñañal

matéak moñ momasôna u bi ti.

14 Me nkon maséé le u mbigdaha me mambén+ moñ,

iloo kiki me nkon maséé ni tik yom+ ipe yo ki yo.

15 M’a ôt pék mu* mabéhna+ moñ,

me bok ki mis mu manjel+ moñ.

17 Bôñôl ngwélél woñ loñge,

inyu boñ le me niñ, me nôgôl ki bañga+ yoñ.

18 Yibil mis mem le me tibil tehe

mam ma hélha ma yé mu mbén yoñ.

20 Me* nlôôha bana ngôñ

i yi matéak moñ ngéda yosôna.

21 U nkônd bôt ba ngôk,

mintiihege mi bôt mi mi ntjôô mambén+ moñ.

22 Boñ le bôt ba waa ndegle me, ba waa ki yan me*

inyule me nôgôl mabéhna moñ.

23 Yak i ngéda baane ba nyén inyu pot me béba,

me, ngwélél woñ, me ñôt pék mu* matiñ moñ.

24 Me nlôôha gwés mabéhna+ moñ;

mon ma yé batipék+ bem.

26 Me bi toñle we maboñok* mem, u timbhe me;

niiga me matiñ moñ.+

27 Boñ le me tibil nok* mabéhna moñ,

le ndi me tibil ôt pék mu* minson nwoñ mi hélha.+

29 Soho, hôla me le me yila bañ mut bitembee,+

bôñôl me loñge, u niiga me mbén yoñ.

32 M’a pala nôgôl mambén moñ,*

inyule u nyibil ñem wem* le me tibil nok mo.

33 A Yéhôva,+ niiga me i nôgôl* matiñ moñ,

me ga noñ mo ipam lisuk.+

34 Ti me bañga yi,

inyu boñ le me nôgôl mbén yoñ,

me nôgôl ki yo ni ñem wem wonsôna.

35 Éga me* mu njel mambén+ moñ,

inyule mu nyen me nôgôl line.

36 Ti me ngôñ i gwés mambén moñ,

ndi u nwas bañ le me hép nkus.*+

37 Hôla me le me nun bañ mam ma ta bé nseñ;+

tééda me i niñ mu njel yoñ.

38 Yônôs mbônga* u bi bôn ngwélél woñ,

le ndi bôt ba kon we woñi.*

39 Héya wonyuu i me nkon woñi,

inyule matéak moñ ma yé malam.+

41 A Yéhôva,+ unda me loñge yoñ ñem,*

tohol me, kiki u bi bôn.*+

42 Ha nyen m’a timbhe i mut a nsol me,

inyule me mbôdôl bañga yoñ ñem.

43 U héya bañ bañga i maliga i nyo wem,

inyule me mbôdôl matéak moñ ñem.*

44 M’a nôgôl mbén yoñ ngéda yosôna,

i boga ni boga.+

45 M’a kil mu homa jam jo ki jo li nkônha bé me woñi,*+

inyule me nyéñ nôgôl mabéhna moñ.

46 M’a añal mabéhna moñ i bisu bi bikiñe,

m’a wo bé to nyuu.+

47 Me nlôôha gwés mambén moñ,

ñ, me ngwés mo.+

48 M’a soohe we, me paak moo, inyule me ngwés mambén moñ,+

m’a ôt ki pék mu* matiñ moñ.+

49 Bigda bañga* u bi kal ngwélél woñ,

yon u ngwélél inyu ti me botñem.*

50 Yon i nhôgbaha me ikété bikuu+ gwem,

inyule bañga yoñ i ntééda me i niñ.

51 Bôt ba ngôk ba nai ni ndegle me,

ndi me ntjôô bé mbén+ yoñ.

52 A Yéhôva, me mbigda matéak moñ ma kôba,+

mu nyen me nkuhul hogbe.+

53 Bibéba bi bôt, bi bi ntjôô mbén+ yoñ,

bi ñunbaha me kiyaga.

54 Matiñ moñ ma yéne me tjémbi

to hee homa me nyééne.*

55 A Yéhôva, me mbigda jôl joñ juu,+

inyu boñ le me nôgôl mbén yoñ.

56 Hala a yé me kiki lem,

inyule me nôgôl mabéhna moñ.

57 A Yéhôva, u yé ngaba+ yem;

me bi bôn le me nôgôl bibañga+ gwoñ.

58 Me nyemhe we* ni ñem+ wem wonsôna;

kônôl me ngoo,+ kiki u bi bôn.*

59 Me bi wan manjel mem,

inyu boñ le makôô mem ma témb mu mabéhna+ moñ.

60 Me nhoo nôgôl mambén+ moñ;

ñ, me tiñha bé nôgôl mo.

61 Minkôô mi bibéba bi bôt mi nkéña me,

ndi me nhôya bé mbén+ yoñ.

62 Me ntelep i kosi juu inyu ti we mayéga,+

inyule matéak moñ ma téé sép.

63 Me yé liwanda li ba bobasôna ba nkon we woñi,

ni ba ba ntééda mabéhna+ moñ.

64 A Yéhôva, loñge yoñ ñem* i nene ni nkoñ ’isi+ wonsôna;

niiga me matiñ moñ.

65 U mbôñôl ngwélél woñ loñge,

a Yéhôva, kiki u bi bôn.

66 Niiga me pék ni yi,+

inyule me mbôdôl mambén moñ ñem.

67 Ilole me bé kôhna ndutu, me bé nnimlak,*

ndi nano, me nôgôl bañga+ yoñ.

69 Bôt ba ngôk ba ntembee ngandak inyu yem,

ndi me nôgôl mabéhna moñ ni ñem wem wonsôna.

70 Ba gwé minledek mi miñem,*+

ndi me nlôôha gwés mbén+ yoñ.

71 Hala a yé loñge kiki me bi nok ndutu,+

inyu boñ le me nigil matiñ moñ.

72 Mbén u bi ti i yé me loñge,+

i nloo dikôô di batjañtjañ ba silba ni ba gôl huum.+

Ti me bañga yi,

inyu boñ le me nigil mambén+ moñ.

74 Ba ba nkon we woñi ba ntehe me, ba konok maséé

inyule me mbôdôl bañga yoñ ñem.*+

75 A Yéhôva, me nyi le matéak moñ ma téé sép,+

u bi kodol me inyule u yé maliga.+

76 Soho hôgbaha me ni loñge yoñ ñem,*+

kiki u bi bôn* ngwélél woñ.

77 Kônôl me ngoo, le ndi me niñ,+

inyule me nlôôha gwés mbén+ yoñ.

78 Bôt ba ngôk ba wo nyuu,

inyule ba mboñ me béba ngi njom.*

79 I bôt ba nkon we woñi, ba témb i pes yem,

ba ba nyi mabéhna moñ.

80 Hôla me i tibil tééda matiñ+ moñ,

inyu boñ le me wo bañ nyuu.+

81 Me nlôôha bem tohi+ yoñ,

inyule me mbôdôl bañga yoñ ñem.*

82 Mis mem ma nwaa inyule me mbem le mbônga woñ u yon,+

i nlélém ngéda me badbaga le: “U ga hôgbaha me+ ngéda mbe?”

83 Inyule me yé kiki hibôi hi kôp le hiida hi nkudus,

ndi me nhôya bé matiñ+ moñ.

85 Bôt ba ngôk ba ntimil me bibee,

bon ba ntjél noñ mbén yoñ.

87 Ba bé le ba mélés me hana ’isi,

ndi me bi tjôô bé mabéhna moñ.

88 Inyu loñge yoñ ñem,* tééda me i niñ,

inyu boñ le me nôgôl mabéhna moñ u bi ti me.

91 Gwobisôna* bi ngi yii letee ni len kiki u bi téé,

inyule gwobisôna bi yé bagwélél boñ.

92 Ibale me lôôhaga bé gwés mbén yoñ,

ki mandutu+ mem ma ma nol me.

93 M’a hôya bé mabéhna moñ,

inyule mon u bi gwélél inyu tééda me i niñ.+

94 Me yé woñ; tohol me,+

inyule me nyéñ nôgôl mabéhna+ moñ.

95 Bibéba bi bôt bi nyéñ manjel inyu nol me,

ndi me ñôt pék mu mabéhna moñ.

96 Me bi tehe nwaa u gwom gwobisôna bi bi yé peles,

ndi mbén yoñ i gwé bé nwaa.*

98 Mbén yoñ i nti me pék iloo baoo+ bem,

inyule i ñéga me hiki ngéda.

99 Me nyi jam iloo balét+ bem bobasôna,

inyule me ñôt pék mu* mabéhna moñ.

100 Me mboñ mam ni pék iloo mimañ mi bôt,

inyule me nôgôl mambén moñ.

101 Me ntjél kil i njel ibe+ yo ki yo,

inyu boñ le me nôgôl bañga yoñ.

102 Me ntjôô bé matéak moñ,

inyule wen u niiga me.

103 Kinje line bipôdôl gwoñ bi nél me,

bi nél me mu nyo iloo wéi!+

105 Bañga yoñ i yé lambe inyu makôô mem,

i yé ki mapubi inyu njel+ yem.

106 Me bi kum soñ, m’a yônôs ki yo,

le m’a nôgôl matéak moñ ma ma téé sép.

108 Éé a Yéhôva, soho, kon maséé ni bisesema bi bibégés*+ me nti we ni ñem wem wonsôna,

niiga me matéak+ moñ.

109 Me yé le me wo to imbe ngéda,

ndi me nhôya bé mbén+ yoñ.

110 Bibéba bi bôt bi bi émbél me hiandi,

ndi me bi tjôô bé mambén+ moñ.

111 Me nyoñ mabéhna moñ kiki nkus wem i boga ni boga,*

inyule ma nkônha ñem wem maséé.+

112 Me bi yoñ makidik* le m’a nôgôl matiñ moñ

hiki ngéda ikepam lisuk.

113 Me ñoo i bôt ba tiñi bé ni we ni ñem wap wonsôna,*+

ndi me ngwés mbén yoñ.+

114 U yé lisolbene jem ni ben+ yem,

inyule me mbôdôl bañga yoñ ñem.*+

115 Ni kôôge bañ me bebee, a bé bibéba bi bôt,+

le ndi me nôgôl mambén ma Nyambe wem.

116 Nit me, kiki u bi bôn,*+

inyu boñ le me niñ;

u nwas bañ le i jam me mbôdôl ñem li wéha me nyuu.+

117 Nit me, le ndi me tohlana;+

ha nyen m’a tééda matiñ moñ+ hiki ngéda.

118 U ntjél ba bobasôna ba ntjôô matiñ+ moñ,

inyule ba yé bôt ba mandon ni bôt ba malôga.

120 Nyuu* yem i nsehla inyu woñi me nkon we;

me nkon ki matéak moñ woñi.

122 Bôn le u ga hôla ngwélél woñ;

bôt ba ngôk ba tét bañ me.

123 Mis mem ma bi waa bem tohi+ yoñ

ni mbônga*+ woñ u u téé sép.

124 Unda ngwélél+ woñ loñge yoñ ñem,*

niiga ki me matiñ moñ.+

125 Me yé ngwélél woñ; ti me bañga yi,+

le me nok mabéhna moñ.

126 Ngéda i nkola le Yéhôva a yoñ mam i moo,+

inyule ba bi bôk mbén yé.

127 Inyu hala nyen me ngwés mambén moñ

iloo gôl, iloo yaga bañga gôl.*+

128 Jon me ntehe le biniigana* gwoñ gwobisôna bi téé;+

me ñoo hiki njel ibe.+

130 Ndoñi i bibañga gwoñ i nti bôt mapubi;+

i bôt ba gwé bé pék, i nti bo bañga yi.+

131 Me nahal nyo wem, me siidaga,*

inyule nyus i mambén+ moñ i gwé me.*

132 Hielba, u nun me, u kônôl ki me ngoo,+

kiki u bi kit le u ga bôñôl ba ba ngwés jôl+ joñ.

133 Éga me ni njel bañga yoñ inyu boñ le me piñgla bañ;*

béba jam yo ki yo i yémblak bañ me.+

134 Sôñ* me i moo ma bôt ba ba ntét me,

inyu boñ le me tééda mabéhna moñ.

135 Boñ le su woñ u béyéi ngwélél+ woñ,*

niiga ki me matiñ moñ.

136 Gwiiha bi nyon me i mis,

inyule bôt ba nôgôl bé mbén+ yoñ.

137 A Yéhôva, u téé sép,+

yak matéak moñ ma yé sép.+

138 Mabéhna moñ ma téé sép,

ma kôli ki le di bôdôl mo ñem.

139 Makénd mem ma nloñ ikété yem kiki hié,+

inyule baoo bem ba bi hôya bibañga gwoñ.

140 Bañga yoñ i nlôôha ba pubi,*+

yak ngwélél woñ a ngwés yo.+

141 Me yé yañga mut, ba nyan ki me;+

ndi me nhôya bé mabéhna moñ.

142 Telepsép yoñ i yé telepsép i boga,+

yak mbén yoñ i yé maliga.+

143 Mandutu ni bikuu bi nkwél me,

ndi to hala, me nlôôha gwés mambén moñ.

147 Me bi pule tôde,* me lond inyu bat mahôla,+

inyule bibañga gwoñ bi yé botñem yem.*

148 U wonsôna, me bé péé

inyu boñ le me ôt pék mu* bañga+ yoñ.

150 I bôt ba mboñ mam mabe ngi wonyuu* ba ntiige me bebee;

ba yé haa ni mbén yoñ.

151 U yé bebee ni me a Yéhôva,+

yak mambén moñ momasôna ma yé maliga.+

152 Ibôdôl behee me nyi le u bi téé mabéhna moñ

le ma nom i boga ni boga.+

153 Nun njiiha yem, u sôñ ki me,+

inyule me nhôya bé mbén yoñ.

154 Kaa inyu yem,* u sôñ ki me;+

tééda me i niñ kiki u bi bôn me.*

155 Tohi i yé haa ni bibéba bi bôt,

inyule ba nyéñ bé matiñ moñ.+

157 Ba ba ntééñga me ni ba ba nkolba me ba yé ngandak;+

ndi me bi tjôô bé mabéhna moñ.

158 Me ntehe bôt ba nliba kiki yom nyega,

inyule ba nôgôl bé bañga+ yoñ.

160 Bañga yoñ yosôna i yé maliga,+

yak matéak moñ momasôna, ma ma téé sép, ma nom i mba ni mba.

161 Baane ba ntééñga me+ ngi njom,

ndi ñem wem u nlôôha ti bibañga+ gwoñ lipém.

162 Me nkon maséé ni bañga yoñ,+

kiki mut a nléba ngandak nkus.

163 Me ñoo bitembee, bi nsuñgaha me ñem,+

ndi mbén yoñ yon me ngwés.+

164 Hiki kel, me mbégés we ngélé isaambok,

inyule matéak moñ ma téé sép.

165 I bôt ba ngwés mbén+ yoñ ba gwé nsañ ngandak;

yom yo ki yo i nla bé boñ bo le ba baage.*

166 A Yéhôva, me mbôdôl minson nwoñ mi tohi ñem,

me nôgôl ki mambén moñ.

167 Me noñ mabéhna moñ,

me nlôôha ki gwés+ mo.

168 Me nôgôl mambén moñ ni mabéhna moñ,

inyule u nyi kii yosôna me mboñ.+

171 Bibép gwem bi bégés we+ kiyaga,

inyule u niiga me matiñ moñ.

172 Hilémb hiem hi tubul bañga yoñ hiémbi,+

inyule mambén moñ momasôna ma téé sép.

173 Woo woñ u ba bebee i hôla me,+

inyule me mpohol i nôgôl mambén+ moñ.

174 A Yéhôva, tohi yoñ i nkon me ngôñ,

me nlôôha gwés mbén+ yoñ.

175 Tééda me* i niñ inyu boñ le me bégés we;+

neebe le matéak moñ ma hôla me.

176 Me bi yôm kiki ntômba le u nimil.+ Yéñ ngwélél woñ,

inyule me nhôya bé mambén+ moñ.