Tjémbi
Biniigana inyu ñéga kôa. Hiémbi hi bon bôlôm ba Kôra.+
49 A bé matén momasôna, emblana i jam lini.
A bé bobasôna ba ni nyééne hana ’isi,* sédna maôô,
2 yak gwañga bi bôt ni bañga bôt,*
yak mingwañ mi bôt ni diyeyeba.
3 Nyo wem u ga pot bibañga bi pék,
mahoñol ma ñem wem+ ma ga ba nyonok ni yi.
4 M’a sédi ôô inyu emble ngén;
m’a toñol bipôdôl bi bi nlet i nok,* me kôdôk hiluñ.
6 Ba mbôdôl lingwañ+ jap ñem,
ba ngôgbak inyu ngandak yap nkus,+
7 to wada wap a ta bé le a kobol manyañ wap,
to ti Nyambe binoñ inyu yé,+
8 (binoñ* ba nlama ti inyu biniñ* gwap bi nhee diye ngandak,
kayéle ba ga la bé saa gwo);
9 ba nla bé kobol manyañ wap, le ndi a niñ i boga ni boga, a tehe bé to soñ.*+
10 Hiki mut a ntehe le yak bôt ba pék ba nwo;
jôñ mut ni mut nu a gwé bé pék ba ntjiba ntôñ,+
ba ga yigle bôt bape lingwañ jap.+
11 Ba gwé ngôñ le mandap map ma nom i mba ni mba,
yak bilap gwap bi nom mu tjai tjap tjodisôna.
Ba bi o disi tjap môl map.
13 Hala nyen lisuk li bijôñ bi bôt+ li yé,
yak i bôt ba noñ bo, ba ba ngwés ba ñemble biyôglô bi mam ba mpot. (Selah)
14 Ba ga wo kiki mintômba, ba kee ki i Soñ.*
Nyemb i ga éga bo kiki ntééda mintômba;
kegla, bôt ba téé sép ba ga énél bo.+
16 U kon bañ woñi inyule mut a nyila ngwañ,
inyule nkus u ndap yé u nkônde keñep,
17 inyule i ngéda a nwo, a ga kena bé to yom;+
a ga sôhna bé to nkus wé i soñ.+
18 Inyule i ngéda a bé a ngi yii i niñ, a bé ti nyemede lipém.+
(Bôt ba mbégés we i ngéda u yé ngwañ.)+
19 Ndi sôk i nsôk, yak nye a’ yik wo kiki basôgôlsôgôl bé.
Kekikel, ba ga tehe ha bé mapubi.
20 I mut a nok bé i jam lini, to ba nti nye lipém,+
nye ni binuga bi bi nwo ba nloona bé.