Yésaya
66 Yéhôva a nkal le:
“Ngii i yé yééne yem ane, yak hisi hi yé kéhne yem makôô.+
2 Yéhôva a nkal le: “Woo wem won u bi hek i gwom bini gwobisôna,
hala nyen mam momasôna ma bi bôña,+
me ga yoñ ngéda ni i nya mut ini:
mut nu a yé suhulnyuu, nu ñem u nsiida, a konok lipôdôl jem woñi.*+
3 Ndi i mut a nol nlôm nyaga a yé i mis mem kiki mut nu a nol mut binam.+
Nu a nti sesema i ntômba a yé i mis mem kiki nu a mbôk joo li ngwo.+
Nu a nti likébla a yé i mis mem kiki nu a nti likébla li matjél ma ngôi!+
Nu a nligis binunumba+ a yé i mis mem kiki nu a ngwélél makañ inyu lômbôl.*+
Ba bi nai le manjel map mon ba noñ,
ba nkon ki maséé i boñ mam ma yé nyega.
4 Jon yak me m’a gwélél ngandak manjel inyu kogse bo,+
i mam ma nkônha bo woñi, mon me ga boñ le ma pémél bo.
Inyule i ngéda me bi sébél, mut to wada a bi timbhe bé;+
i ngéda me bi pot, mut to wada a bi emble bé.
Ba bi kônde boñ mam mabe i mis mem,
ba bi pohol i boñ mam ma ma mbébél me.”+
5 A bé ba ni nkon lipôdôl li Yéhôva woñi,* emblana i jam a mpot:
“Lôkisoñ nan i i ñoo bé, i i mbagal ki bé inyu jôl jem, i bi kal le: ‘Lipém li ba ni Yéhôva!’+
Ndi Nyambe a ga nene, a ga lona ki bé maséé,
bomede bon ba ga wo nyuu.”+
6 Manyiñgha ma yé i lôl i tison, liyôgbe li yé lôl i témpel!
Yéhôva nyen a yé i kogse baoo bé kiki i nsômbla.
7 Muda a ngwal ilole nkôôga u mbôdôl.+
A ngwal man munlôm ilole njôghe gwal i mbôdôl nye.
8 Njee a ma nok i nya jam i?
Njee a ma tehe i nya jam i?
Baa ngim loñ i nla gwéé kel yada?
Tole ngim litén i nla gwéé kunda yada?
Kiki nkôôga u bi bôdôl ndik Siôn, a gwal bon bôlôm.
9 “Baa me nla boñ le man a hôlôl ikété libum, ndi me kéñ ki njel le a gwéé bañ?” Hala nyen Yéhôva a mpot.
“Baa me nla boñ le gwal u bôdôl, ndi me témb me yip njel le man a pam bañ?” Hala nyen Nyambe nan a mpot.
10 Kona maséé ni Yérusalem, ni séé ki inyu yé,+ a bé bobasôna ba ni ngwés nye.+
Leña diléla lôñni nye, a bé bobasôna ba ni ñee nye.
11 Inyule ni ga nyuñ libéé jé, ni nuu, hala a hôgbaha ki bé,
ni ga nyo ngandak milik, ni tehe lipém jé likeñi, hala a nkônha ki bé maséé.
12 Inyule haana nyen Yéhôva a mpot:
A ga nyuñus bé, a hambaa ki bé i bôbôk,
a ga bôôhe bé i ngii maboñ.
14 Ni ga tehe i jam li, miñem minan mi kon maséé,
bihés binan bi ga témb yômi kiki kai yômi.
15 “Inyule Yéhôva a ga lo kiki hié,+
bikak gwé bi gwét bi yé kiki mbuk mbebi,+
inyu kogse bo ikété hiun,
inyu kodol bo ni lindômbôô li hié.+
16 Inyule ni hié nyen Yéhôva a ga pémhene bôt bobasôna* mbagi,
ñ, yak ni pansoñ yé;
i bôt Yéhôva a ga nol ba ga ba ngandak.
17 “I bôt ba ntéé bomede bapubhaga, ba mpubus ki bomede inyu jôp i nwom mi mbônji,+ ba noñok nu a téé i ñemkété; i bôt ba nje minsôn mi ngôi,+ gwom bi nyega ni batôlô,+ bobasôna ba ga tjiba lôñ yada,” hala nyen Yéhôva a mpot. 18 “Me nyi minson nwap ni mahoñol map, jon me yé i lo inyu kot bôt ba biloñ gwobisôna ni dilémb tjodisôna le ndi ba loo, ba tehe lipém jem.”
19 “M’a téé yimbne ipôla yap; i bôt ba ga pei ikété yap, me ga om bo i biloñ bi bi yé ngi nok ñañ inyu yem, bi bi yé ngi tehe lipém jem: Tarsis,+ Pul, Lud+ (biloñ bi bôt ba ba nleñ mimpihlôñgô), Tubal, Yavan,+ ni biôn bi bi yé nonok. Ba ga añal lipém jem nyoo i biloñ bi.+ 20 Ba ga pémés lôkisoñ nan yosôna i i yé i biloñ gwobisôna,+ ba lona yo kiki likébla inyu Yéhôva i hikôa hiem hipubhaga, i Yérusalem, ba bak i ngii bihosi, bikak bi gwét, bikak bi bi gwé minyôl, minyabén mi hosi* ni i ngii kamél i i nhoo ngwéé,” hala nyen Yéhôva a mpot. “Hala a ga ba kiki i ngéda bon ba Israel ba nlona likébla jap i témpel Yéhôva ikété séya i i yé pubhaga.”
21 “Me ga yoñ yak bahogi ikété yap le ba yila biprisi ni Lôk Lévi,” hala nyen Yéhôva a nkal.
22 “Kiki ngii yondo ni hisi hi yondo+ me yé i hek bi ga nom i bisu gwem, hala nyen yak mbôda* nan ni jôl linan bi ga nom.”+ Hala nyen Yéhôva a mpot.