Tjémbi

86 Éé a Yéhôva, sédne me ôô,* u timbhe ki me,

inyule me yé ikété ndutu, me nyep+ ki.

Tohol ngwélél woñ nu a mbôdôl we ñem,

inyule u yé Nyambe+ wem.

 3 Éé a Yéhôva, kon me ngoo,+

inyule me nlôndôl we kel yosôna.+

 4 Kônha ngwélél woñ maséé,

inyule wen me mbéñge, éé a Yéhôva.

 5 Inyule, a Yéhôva, u yé loñge,+ u bak bebee i nwéhél;+

bagwélél boñ ba ba nlôndôl we, u nlôôha unda bo loñgeñem.*+

 6 Éé a Yéhôva, emble masoohe mem;

sédne ki minyemhe nwem ôô.+

 7 Me nlôndôl we i kel bikuu,+

inyule u ga timbhe me.+

 8 A Yéhôva, ikété banyambe, to wada a ta bé kiki we;+

to nson wo ki wo u ta bé kiki nson woñ.+

 9 Biloñ gwobisôna u bi bot,

bi ga lo, bi ôôp i bisu gwoñ, a Yéhôva,+

ba ga ti ki jôl joñ lipém.+

10 Inyule u yé mpémba, u mboñ ki mam mam ma hélha;+

wetama nyen u yé Nyambe.+

12 A Yéhôva Nyambe wem, me mbégés we ni ñem wem wonsôna,+

m’a ti ki jôl joñ lipém i boga ni boga,

13 inyule u nlôôha unda me loñgeñem,*

u bi sôñ ki me le me sôs bañ ikétékété Soñ.*+

14 A Nyambe, bôt ba ngôk ba nkolba me;+

ntôñ u bôt ba miñem mimbe u nyéñ nol me;*

ba nti bé to we lipém jo ki jo.*+

15 Ndi we, a Yéhôva, u yé Nyambe nu konangoo ni nu ñem ngôô,*

nu a mpala bé unup, nu a ntéñbe ki i unda ngandak gwéha* ni maliga.*+

16 Hielba, u nun me, u kônôl ki me ngoo,+

ti ngwélél woñ ngui+ yoñ,

u tohol ki man munlôm nu nkol woñ muda.

17 Ti me yimbne* le u yé loñge,

inyu boñ le ba ba ñoo me ba tehe hala, ba wo ki nyuu.