Tjémbi
Ntuba. Hiémbi hi bon bôlôm ba Kôra.+ Biniigana inyu ñéga kôa; kingéda likôdôk li Mahalat,* hiki mut a ban-ga yé ngéda i tôp. Maskil* i Héman,+ man Lôk Esra.
4 Ba nha me mu nsoñgi u bôt ba nsôs i bee;*+
me nyila mut nu a gwé bé nhôla,*+
5 nu ba ntjôô ikété bawoga,
kiki bôt le ba nol, ndi ba niñi i soñ,
bôt le u nhoñol ha bé,
to tôñ u ntôñ ha bé bo.*
6 U bi ha me ikétékété bee,
i bahoma ba jiibe, ikété soñkum.
7 Hiun hioñ hi nyuu me,+
yak mam u bi boñ ma yé kiki mangudga ma ngui ma ma mil me. (Selah)
8 U bi boñ le i bôt ba nyi me ba kee me ngwéé;+
u yilha me yom i nsuñgaha bo miñem.
Me nkwo i hiandi, me nla bé to pamba.
9 Mandutu ma mboñ le jis jem li nwaa.+
Éé a Yéhôva, me nlôndôl we kel yosôna;+
me nsamblene we moo mem.
10 Baa bawoga ba nla tehe manyaga moñ?
I bôt ba gwé bé ngui, ba ba yé nwok, baa ba nla telep inyu bégés we?+ (Selah)
11 Baa loñge yoñ ñem* i ga añlana ikété soñ?
Baa libak joñ li maliga li ga añlana i homa tjiba?*
12 Baa bihélha gwoñ bi mam bi ga yiba ikété jiibe?
To telepsép yoñ, baa i ga yiba nyoo i loñ i bôt ba nhôiba?+
14 Éé a Yéhôva, inyuki u ntjôô me?+
Inyuki u nsôô me su woñ?+
16 Hiun hioñ hikeñi hi mil me;+
i mam ma nkônha woñi, ma ma nlôl i weeni, ma yé i tjé me.
17 Kel yosôna, ma nkéña me kiki malép;
ma nkéña me bipes gwobisôna.*
18 U mboñ le mawanda mem ni basolôñ bem ba kee me ngwéé;+
jiibe jon li nyila liwanda jem.