Tjémbi
KAAT I NYÔNÔS AA
(Tjémbi 73-89)
Hiémbi hi Asaf.+
73 Nyambe a mbôñôl toi Israel mam malam, a mbôñôl toi ba ba gwé miñem mi mpôp+ mam malam.
2 Ndi me, makôô mem ma bé bebee ni baage;
mabal mem ma bé ma ma sendi.+
3 Inyule i ngéda me bé tehe lelaa mam ma nke loñge inyu bibéba bi bôt,*+
me bééna ngôñ i ba kiki bôt ba ngôk.
6 Jon ngôk u yé bo i joo kiki nsañ;+
ba nhaba njôô kiki mbot.
7 Mahoñ ma masu map ma* mboñ le mis map ma pop;
ba bi kot nkus iloo kiki ba bé hoñol mu miñem nwap.
8 Ba ndegle bape, ba podok mam mabe.+
Ni ngôk, ba nhan bape le ba ntét bo.+
9 Ba ngôgôp inyule ba nhoñol le ba nyôgi kiki ngii,
ba nke ni hisi hiosôna, ba podok kiki ba ngwés.
10 Jon bôt ba litén li Nyambe ba nhielba, ba noñok bo,
ba nyok ngandak yap malép.
11 Ba nkal le: “Lelaa Nyambe a yé le a yi i mam ma ntagbe?+
Baa Nungingii a gwé toi yi?”
12 Hala nyen bibéba bi bôt bi yé, ba nok bé ndutu niñ yap yosôna.+
Lingwañ jap li mbôl ndik, bôl ni bôl.+
13 Ibabé pééna, yañga nyen me bi tééda ñem u mpôp,
yañga ki nyen me bi jôwa moo mem inyu unda le me yé nginsohi.+
15 Ndi ibale me pot i mam mana,
ki me bi liibana litén joñ.*
16 I ngéda me bé yéñ le me nok i jam li,
hala a bé tééñga me ngandak,
17 letee me jôp i homa mpubhaga nu Nyambe, nu a nlôôha nkeñi.
Ha nyen me bi nok lelaa lisuk jap li ga ba.
18 Hodo, u ntéé bo i hisi hi nsendi.+
U mboñ le ba beha ’isi, ba tjiba+ ki.
19 Kinje tjiba ba ntjiba+ kunda yada!
Kinje lisuk libe li mpuhe bo, li kwél ki bo bitéé bilôñi!
20 A Yéhôva, kiki mut a nhôya eem i ngéda a ntôde,
hala nyen u ga hôya* titii yap i ngéda u ga tôde.
22 Me bé jôñ mut, me yik bé to jam;
i bisu gwoñ, me bé kiki nuga, me bééna bé yi.
23 Ndi nano, me yé ni we ngéda yosôna;
u bi gwel woo wem walôm.+
25 Handugi we, njee numpe me gwé nyoo i ngii?
Handugi we, me gwé ha bé ngôñ ni jam lipe hana ’isi.+
26 Nyuu yem ni ñem wem bi nla tomb,
ndi Nyambe a yé nu a nti ñem wem ngui,* a yé ki ngaba yem i mba ni mba.+
27 Hodo, ba ba yé haa ni we b’a tjiba.
U ga tjé* ba bobasôna ba ntéñbe bé ni we,* ba yégék we.+
28 Ndi me, i yé me loñge le me tiige Nyambe bebee.+
Me mal yilha Nwet Bayemlikok le Yéhôva lisolbene jem,
inyu añal minson+ nwoñ nwominsôna.