Yésaya
29 “Ngoo ni Ariel,* Ariel a yé Nkoñ u David a bi yééne lôñni bôt bé!+
nwii wada u ntagbe, umpe u noñ;
hala nyen yak mangand ma ntagbe, ngand yada i ntagbe,+ ipe i noñ.
2 Ndi m’a nôgha Ariel ndutu,+
maéya ni minlénd nwon mi ga ba nyoo,+
inyule a ga yilna me kiki homa ba nkuine juu li bisesema inyu Nyambe.+
3 Me ga hige we bipes gwobisôna,
me kéña we ni lipénd li bikék,
me bédés ki mangund ma biték inyu jôs we gwét.+
4 Ba ga bes we ’isi, ba wéha we nyuu;
ikété biték nyen u mba u mpôdôl,
biték bi ga boñ le i yom u mpot i nôga bañ.
Kiñ yoñ i mba i nlôl ’isi+
wengoñle kiñ i mut makañ,
kiki u mba u mpôdôl ikété biték, hop woñ u mba ndigi kiki minhuñbe.
5 Baoo* boñ ba ga ba ngandak kiki minluñ mi biték,+
yak limut li bôt li li ntééñga we li ga ba kiki bikôgôô le mbebi i nkena.+
I jam li, li ga bôña kunda yada, li ga puhe we.+
6 Yéhôva nu mintôñ mi gwét a ga yoñ ngéda ni we,
a sôñ we ni mbambat, ni nyeñg hisi ni manyiñgha makeñi,
ni mbuk mbebi, ni nop nkeñi, ni lindômbôô li hié likeñi.+
7 Hala nyen limut li biloñ gwobisôna li li njôs Ariel gwét,+
hala wee i bôt bobasôna ba nlo i jôs nye gwét,
ba ba nkéña nye ni bikak bi gwét,
ba ba nlona nye njiiha,
ba ga yila kiki eem, kiki yiinda i juu.
8 Ñ, hala a ga ba kiki mut nu njal i gwé, ndi a emel le a yé i je,
i ngéda a ntôde, a nkoba le njal i ngi gwé nye,
tole hala a ga ba kiki mut le nyus i gwé, ndi a emel le a yé i nyo,
i ngéda a ntôde, a nkoba le a yé nwaak, yak nyus i ngi gwé nye.
I jam li jon li ga pémél limut li biloñ gwobisôna
li li njôs hikôa Siôn gwét.+
Ba nhiôô, ndi wai bé yon i nhiuus bo;
ba nke ba ndiñg, ndi maok bé mon ma mboñ le ba ndiñg.
11 Hiki yiinda i nyilna bé kiki bibañga bi kaat le ba mband.+ I ngéda ba nti yo mut nu a nyi añ, ndi ba kal nye le: “Soho, añ makeñi,” a ga timbhe le: “Me nla bé añ, inyule kaat i yé mbandak.” 12 I ngéda ba nti mut nu a nyi bé añ i kaat i, ndi ba kal nye le: “Soho, añ yo,” a ga timbhe le: “Me nyi bé añ.”
13 Yéhôva a nkal le: “I litén lini li mbégés me ni nyo wap,
ba nti me lipém ni bibép gwap,+
ndi miñem nwap mi yé yaga haa ni me;
ba nkal le ba nkon me woñi, ndi ba noñ mambén ma bôt ba binam ma ba bi niiga bo.+
14 Inyu hala nyen memede me ga témb me boñ bihélha bi mam inyu litén lini,+
hélha ni hélha;
pék i bôt bap ba pék i ga mal,
yi i bôt bap ba gwé yi i ga nene ha bé.”+
15 Ngoo ni bôt ba nyéñ manjel momasôna i sôô Yéhôva bipék* gwap.+
Ba mboñ mam i jiibe,
ba kalak le: “Njee a ntehe bés?
Njee a yé le a yi i jam di yé i boñ?”+
16 Inyuki ni nkôde mam hala?*
Baa mma dibee ni ték lima ba kôli?+
Baa i yom mut a mboñ i nla tañba nu a mboñ yo, i kal nye le:
“Nye bé nyen a mma me”?+
Tole hibee hi nla kal inyu nu a mbañ hio le:
“A gwé bé yi”?+
18 I kel i, bôt ba ndok ba ga nok bibañga bi kaat,
yak bôt ba ndim ba ga tehna, ba ga ba ha bé ikété jiibe.+
19 Yéhôva a ga boñ le bôt ba suhulnyuu ba kon maséé ngandak,
Numpubi nu Israel+ a ga boñ le diyeyeba di ba maséé.
20 Inyule nu a ntét bôt a ga ba ha bé,
to mut bikadba a ga ba ha bé,
i bôt bobasôna ba yé bebee i boñ béba ba ga tjiba,+
21 ñ, i bôt ba mpot bitembee inyu ôm bape nsohi,
ba ñamb tjandi i nwemel u tison inyu mut nu a nlo i minkaa,*+
ba mpopoda inyu boñ le mut telepsép a kôhna bañ mbagi sép.+
22 Jon Yéhôva nu a bi kobol Abraham,+ a nkal mbôda Yakôb le:
“Yakôb a ga kon ha bé hison,
to su wé u ga unda ha bé le a nwo nyuu.+
23 Inyule i ngéda a ga tehe bon bé ikété loñ yé,+
ba ba yé minson mi moo mem,
ba ga pubus jôl jem;
ñ, ba ga pubus jôl li Numpubi nu Yakôb,
24 I bôt ba nyôm ikété mahoñol map ba ga bana yi,
yak i bôt ba ntjelel ba ga neebe le ba niiga bo.”