Tjémbi

103 Me béghak Yéhôva;

me béghak jôl jé lipubi ni ñem wem wonsôna.

 2 Me béghak Yéhôva;

me hôiga bañ mam momasôna a bi boñ.+

 3 A nwéhél maboñok moñ mabe+ momasôna,

a mélés ki makon moñ+ momasôna;

 4 a nkobol niñ yoñ le u ke bañ i soñ,*+

a nha ki we loñge yé ñem* ni konangoo+ yé kiki ba nha mut ntut.

 5 A nuus we ni gwom bilam,+ niñ yoñ yosôna

inyu boñ le ngui yoñ i* témb yondo kiki ngui nyôgôl.+

 6 Yéhôva a mpémhene i bet bôt bape ba ntét+ mbagi sép,

a bôñlak bo mam ma téé sép.+

 7 A bi boñ le Môsi+ a yi manjel mé,

a boñ ki le bon ba Israel+ ba yi minson nwé.

 8 Yéhôva a yé konangoo, a ban-ga ñem ngôô*+

a mpala bé unup, a ntéñbe ki i unda ngandak gwéha.*+

 9 A nyahal bé hiki ngéda,+

a ntééda bé to hiun i boga ni boga.+

10 A bi kogse bé bés inyu bibéba+ gwés kiki i bé béda le a kogse bés,

a timbhe bé to bés inyu maboñok més mabe kiki i bé i kôli le a timbhe bés.+

11 Inyule kiki ngii i nyôgi haa ni ’isi,

hala nyen loñge yé ñem* inyu ba ba nkon nye woñi+ i yé ikeñi.

12 Kiki pes likôl i yé haa ni pes hiôñg,

hala nyen a nkena maboñok més mabe haa ni bés.+

13 Kiki isañ a nkônôl bon bé ngoo,

hala nyen Yéhôva a nkônôl ba ba kon nye woñi ngoo.+

14 Inyule a nyi lelaa a bi hek*+ bés,

a mbigda le di yé nluñ ték.+

15 Kiki kai i nom bé,+ hala nyen yak mut binam a nom bé,*

a ntoo kiki mbônji bikai.+

16 Ndi i ngéda mbebi i nhôñ, i kai i, i ta ha bé,

wengoñle i maa bé ba ha.*

inyu ba ba nkon nye woñi,+

yak telepsép yé i yé inyu bon ba bon+ bap,

18 inyu ba ba ntééda malômbla mé,+

ni ba ba noñ yaga mabéhna mé.

19 Yéhôva a bi téé yééne yé ane nyoo i ngii;+

a yé ki Kiñe i i ñane mam momasôna.+

20 Béghana Yéhôva, a bé bobasôna ba ni yé biañgel+ gwé, bé ba ni yé mimpémba kiyaga,

bé ba ni ñemble bañga+ yé, ni nôglak nye.*

21 Béghana Yéhôva, a bé mintôñ nwé mi gwét+ nwominsôna,

a bé bagwélél bé ba ni mboñ sômbôl+ yé.

22 Béghana Yéhôva, a bé minson nwé nwominsôna,

mu bahoma bobasôna a ñénél.*