Yésaya
1 I yiinda ini yon Yésaya,*+ man Amôz, a bi tehe inyu Yuda ni Yérusalem i dilo di Ôsiya,+ Yôtam,+ Ahas+ ni Hézékia,+ bikiñe bi Yuda:+
2 Emble a ngii, sédi ôô a hisi,+
inyule Yéhôva a mpot:
3 Nlôm nyaga a nyi i nwet a bi somb nye,
yak jagas li nek bé jéhne bilém i nwet wé;
litén jem li nyi bé jam.”
5 Hee me ga bibil bé lini lisañ hala kiki ni nai ni ndok?+
Ño wonsôna u nkon,
yak ñem wonsôna u nok njôghe.+
6 Ibôdôl i ño ipam makôô, mbôô u ta bé.
Ba gwé mambabaa, bindôndôô ni bipoo,
ba bi tibil* bé gwo, ba bi kañ bé gwo bandas, to hoo gwo môô inyu hôyôs njôghe.+
7 Loñ nan i mal tjiba.
Ba nligis bitison binan.
Bakén ba bôt ba nkadal loñ nan i bisu binan.+
I yé kiki nkoñ le bakén ba bôt ba nsas.+
8 Ngond Siôn i nyégle yotama kiki pele* i wom u minkôô mi wai,
kiki lapga i wom u ngond,*
kiki tison le baoo ba nkéña.+
9 Ibale Yéhôva nu mintôñ mi gwét a nwas bé le ndék bôt i pei,
ki di bi yila kiki Sôdôm,
ki di bi pôna Gômôra.+
10 A baane ba mbanda ba Sôdôm,+ emblana lipôdôl li Yéhôva.
A bôt ba Gômôra,+ sédna maôô inyu emble mbén* Nyambe wés.
11 Yéhôva a nkal le: “Ngandak nan bisesema i nhôla kii me?+
Me nwaa bisesema bi ntul ihié bi balôm banan ba mintômba,+ yak mahoñ ma binuga binan ni njés loñge,+
me nkon bé maséé ni matjél+ ma bon ba nyaga,+ to ma bon ba mintômba, to ma kembee.+
13 Ni lona ha bañ me makébla ma bijek.
Me ñoo binjinjiñ binan.+
Sôñ mondo,+ sabat+ ni makoda+ ni naña,
me nihbe ha bé le ni bana makoda ma tôbôtôbô ndi ki le ni nke i makañ.+
14 Me ñoo sôñ nan mondo ni mangand manan.
Ma nyilna me ngim mbegee;
ma nwéés me.
15 I ngéda ni nsambal mabai ma moo manan,
me nsude mis.+
17 Niglana i boñ loñge, yéña telepsép,+
kodlana i mut a ntét bôt,
sôña man nyuu,*
nida ki nkaa u yik muda.”+
18 Yéhôva a nkal le: “Loga, di kodol mam,+
to ibale bibéba binan bi nkôyôp kiki matjél;
bi ga pôp kiki libu li lisuni;*+
to ibale bi nkôyôp tjôôm,
bi ga pôp kiki mahuu ma ntômba.
19 Ibale ni nhéñha mahoñol ni emble ki,
n’a je gwom bilam bi loñ.+
21 Wee! Tison i i bé maliga,+ i nyila muda libambe!+
23 Baane boñ ba nai ni ndok, ba nôgla ni bôt ba wip.+
Hiki wada wap a ngwés bitek, ba yéñék makébla ni nwai.+
24 Inyu hala nyen bañga Nwet le Yéhôva nu mintôñ mi gwét,
Nu Lipémba nu Israel a nkal le:
“M’a tjé bôt ba nkolba me,
me nkogse ki baoo bem inyu pun memede.+
26 M’a timbis bakéés boñ kiki i bibôdle,
yak ni batipék boñ kiki i ngéda bisu.+
I mbus hala, w’a séblana le Tison i telepsép, Nkoñ u maliga.+
27 Ni mbagi i téé sép nyen m’a kobol Siôn;+
lôñni telepsép nyen m’a kobol bôt bé ba ba ga témb.
29 I bie bikeñi bi nkon bé ngôñ, bi ga wéha bé nyuu;+
30 Inyule ni ga yila kiki e ikeñi i i gwé minwok mi tjai,+
kiki wom mbônji u u gwé bé malép.
31 Mpémba mut u ga yila kiki minumuk mi bikai,*
yak nson wé kiki njanjat;
gwo biba bi ga loñ ngélé yada,
mut a ga ba bé inyu lém hié.”