Amôs
6 “Ngoo ni bôt ba nyén i Siôn ibabé nduña yo ki yo,
i bôt ba yé i hikôa hi Samaria, ba hoñlak le yom yo ki yo i nla bé boñ bo,+
bañga bôt i biloñ bikeñi,
i boni nyen ndap Israel i nke!
2 Kenana i Kalné, ni tehe.
I mbus, ni nyodi ha, ni kee i Hamat nunkeñi,+
sôha yak i Gat nu bôt ba Filistia.
Baa ba nloo i biane bini,*
tole nkoñ wap u nloo nkoñ nan bikeñi?
4 Ba nañal i binañi bi yé mboñok ni mañ mi njok,+ ba béhi ki i ngii binañi bilam,+
ba nje balôm ba mintômba ba bémba ni bon ba balôm ba nyaga ba mahoñ;+
5 ba mbot tjémbi i ngéda ba nok hiluñ hi nkôt,*+
kiki David, ba mbañ bikôkôda;+
6 ba nyo wai ikété mabôndô makeñi,+
ba hoobaga bañga minhoop.
Ndi tjiba i Yôsep i nkal bé bo to jam.*+
7 Jon ba ga ba bôt ba bisu i ke i minkôm,+
yak mangand ma mpuñgu ma bôt ba ba béhi i ngii binañi, ma ga mal.
8 ‘Yéhôva, Nwet Bayemlikok, a nkum soñ ni nyemede,’+ Yéhôva Nyambe nu mintôñ mi gwét a nkal le:
9 “‘“Ibale jôm li bôt li nyégle ikété ndap yada, yak jo li ga wo. 10 Mut lihaa* wap a nlo a begee mim, a ligis nwo wada i mbus wada. A’ héya bihés gwap mu ndap; i mbus a bat mut a yé ikété tuñ le: ‘Baa mut numpe a yé ni we?’ Ndi a ga timbhe le: ‘To mut!’ I mbus a ga kal le: ‘Mom nwee! Inyule i ngéda bé ini le mut a sima jôl li Yéhôva.’”
11 Inyule Yéhôva nyen a nti oda,+
a ga bôk ndap ikeñi, i yila ngok ni ngok,
a nyugut yak ndap ititigi, i yila nwind binan.+
12 Baa bihosi bi nla ke ngwéé i ngii maaa,
tole mut a nsal ni nyaga i ngii maaa?