Hiôb
12 Ha nyen Hiôb a bi timbhe, a kal le:
2 “Ngo bé yaga bon ni nyi mam;*
i ngéda n’a wo, n’a wona yak pék!
3 Ndi yak me, me gwé yi.*
Ni nloo bé me.
Njee a nyi bé i mam ma?
Me mut a téé sép ni mut ngi nsohi, men me yé yom minjôha.
5 I mut a gwé bé nduña a nyan bikuu,
a hoñlak le bikuu bi nkwél ndik i bôt ba gwé makôô ma nyeñg.*
6 Bôt ba wip ba niñ ikété nsañ+ mu mandap map ma mabadô,
yak i bôt ba nyumbla Nyambe ba niñ nwee,+
i bôt ba gwé banyambe bap i moo map.
7 Ndi soho, bat le binuga, bi ga niiga we;
bat yak dinuni di ngii, di ga yis we i jam li.
8 Tole béñge* hisi, hi ga niiga we;
béñge yak tjobi di tuye, di ga kal we i jam li.
9 Ikété gwom bi gwobisôna,
njee a nyi bé le Yéhôva nyen a bi hek gwo?
12 Baa mimañ mi bôt bé nwon mi gwé pék?+
Yak i bôt ba niñ i ntandaa ngéda, baa bo bé bon ba gwé bañga yi?
14 Ba nla bé tiimba oñ i yom a mbôk;+
mut nye ki nye a nla bé to yibil i yom a nyip.
16 Nyambe a gwé ngui ni bañga pék;+
i mut a nyôm, ni nu a nyumus bôt ba yé i moo mé.
18 A nhohol minkôô bikiñe+ bi nkañ,
a ntéñ ki bo ngôli i bôbôk.
19 A mboñ le biprisi bi kee mabal nso,+
a nkwés ki biane bi bi umi siñ;+
20 a nyip manyo ma batipék, ba bôt ba mbôdôl ñem,
a mélés yak yi i mimañ mi bôt;
21 a nwéha mintôô mi bôt+ nyuu,
a mboñ ki le mimpémba mi bôt mi bomb;*
22 a nyelel ndip mam i i yé ikété jiibe,+
a mbéyés mapubi ikété jiibe likeñi;
23 a nyilha biloñ mimpémba, le ndi a tjé gwo;
a nkéñbaha ki minwaa mi biloñ, le ndi a kena gwo i minkôm.