Kaat Yôhanes

19 I mbus, Pilatô a yoñ Yésu, a bép nye disôô.+ 2 Bisônda bi bañ ntut biloo, bi ha wo i ño wé, bi ha ki nye mbôñgô mbot wedewede,+ 3 bi bé waa bé lo ipañ yé, bi kalak nye le: “Di nyéga, a Kiñe Lôk Yuda!” Bi bé kôt ki nye mabai ibabé waa.+ 4 Pilatô a témb a pam i mbégdé, a kal bo le: “Nuna-ki, me mpamna nye i mbégdé inyu nan kayéle ni yi le me nléba bé nye nsohi wo ki wo.”+ 5 Ha nyen Yésu a bi pam, a bak a hééba ntut biloo ni mbôñgô mbot wedewede. Pilatô a kal bo le: “Nuna-ki, nye nunu!” 6 Ndi i ngéda baéga biprisi ni batat ba bi tehe nye, ba lond le: “Péni nye i kék! Péni nye i kék!”*+ Pilatô a kal bo le: “Bébomede yoña nye, nola nye,* inyule me nléba bé nye nsohi wo ki wo.”+ 7 Lôk Yuda i timbhe nye le: “Di gwé mbén, inoñnaga ni mbén i, a nlama wo+ inyule a nkadba le a yé man Nyambe.”+

8 I ngéda Pilatô a bi nok i jam ba bé kal, a kônde kon woñi, 9 a témb a jôp i ndap ngomin i pes mbok, a kal Yésu le: “U nlôl hee?” Ndi Yésu a bi timbhe bé nye.+ 10 Ha nyen Pilatô a bi kal nye le: “Baa u ntjél timbhe me? Baa u nyi bé le me gwé kunde i nwas we, me gwé ki kunde i nol we?”* 11 Yésu a timbhe nye le: “U bak bé le u bana kunde yo ki yo i ngii yem, handugi le i lôl we i ngii. Jon i mut a nti we me a gwé béba i nlôôha ikeñi.”

12 Inyu hala nyen Pilatô a bi waa bé yéñ njel i nwas nye, ndi Lôk Yuda i bé lond le: “Ibale u nwas i mut nunu, u ta bé liwanda li Kaisa. Hiki mut nu a nkal le a yé kiñe, a nkolba* Kaisa.”+ 13 Kiki Pilatô a nok bibañga bini, a kena Yésu i mbégdé, a yén i yééne bikééhene i homa ba nsébél le Mbégdé i ntegek ngok, ndi Gabata ni hop Lôk Héber. 14 Ndi i kel i, i bé kel ngôôba+ i ngand Pasa; hala a bé jam kiki bo kosi.* Ha nyen a bi kal Lôk Yuda le: “Nuna-ki, kiñe nan ini!” 15 Ndi ba lond le: “Nol nye!* Nol nye! Péni nye i kék!”* Pilatô a kal bo le: “Baa me nol kiñe nan?” Baéga biprisi ba timbhe nye le: “Di gwé bé kiñe ipe handugi Kaisa.” 16 I mbus, a ti bo nye le ba péni nye i kék.+

Ha nyen ba bi kena Yésu. 17 A bé a bééga kék yé njiiha* nyemede; a pam inyu ke i homa ba nsébél le Homa Kégéé ño,+ ndi ba nsébél nye ni hop Lôk Héber le Gôlgôta.+ 18 Nyoo nyen ba bi tômlene nye i kék+ ipañ bôt bape iba, wada hiki pes, Yésu a bak i ñemkété.+ 19 Pilatô a bi tila ki i libam, a ha libam li i kék njiiha.* I bé ntilga mu le: “Yésu mut Nasaret, Kiñe Lôk Yuda.”+ 20 Ngandak bôt ikété Lôk Yuda i bi añ i matila ma, inyule homa ba bi tômlene Yésu i kék a bé bebee ni tison;* matila ma bé ni hop Lôk Héber, hop Latin ni hop Grikia. 21 Ndi baéga biprisi ba Lôk Yuda ba kal Pilatô le: “U tila bañ le: ‘Kiñe Lôk Yuda,’ ndi tila le a bi kal le: ‘Me yé Kiñe Lôk Yuda.’” 22 Pilatô a timbhe le: “Me mal tila i yom me ntila.”

23 I mbus, i ngéda bisônda bi bi mal tômôl Yésu i kék, bi yoñ mambot mé, bi kap mo môga ma-na, hiki sônda jôga jada, bi yoñ ki mbot yé kété. Ndi mbot yé kété i bééna bé mbañgô; i bé mbagak ibôdôl i ngii ikepam isi. 24 Jon bi bi kalna le: “Di was bañ yo, ndi di leñ mbam inyu yi njee a’ yoñ yo.”+ Hala a bé inyu yônôs tilna i i nkal le: “Ba bi kabna mambot mem ipôla yap, ba leñ ki mbam inyu mambot mem.”+ Bisônda bi bi boñ toi i mam mana.

25 Ndi nyañ Yésu a bé a téé ha bebee ni kék njiiha,* yak manyañ nyañ nu muda;+ lôñni Maria nwaa Klôpa, ni Maria Magdaléna.+ 26 Jon i ngéda Yésu a bi tehe nyañ ni nnigil nu a bé gwés+ ba téé ha bebee, a kal nyañ le: “A muda, nun-ki, man woñ nunu!” 27 I mbus, a kal i nnigil nu le: “Nun-ki, nyuñ nunu!” Jon ibôdôl ha ngeñ i, i nnigil nu a bi yoñ nye i nyeni.

28 I mbus mam mana, kiki Yésu a nyi le nano mam momasôna ma mal yon, inyu yônôs tilna, a kal le: “Nyus i gwé me.”+ 29 Hibee hi biték hi bé ha, nyonok ni wai i mbai. Ha nyen ba bi yube sut ikété wai i mbai, ba som sut i kék hisôp,* ba kôôgaha yo bebee ni nyo wé.+ 30 I ngéda a bi noode wai i mbai, Yésu a kal le: “Hala a mal yon!”+ Kiki a ñue ño, a pémés nhébék wé u nsôk.*+

31 Kiki i kel ini i bé kel Ngôôba,+ Lôk Yuda i bé gwés bé le mim mi yégle mi péni i bikék+ bi njiiha i kel sabat (inyule i kel sabat ini i bé sabat ikeñi),+ inyu hala nyen ba bi bat Pilatô le ba bôk makôô ma bôt ba bé i bikék bi njiiha, ba suhus ki mim. 32 Ha nyen bisônda bi bi lo, bi bôk makôô ma mut nu bisu ni makôô ma nuu mut numpe nu a bé i kék ipañ yé. 33 Kiki bi mpam yak Yésu, bi tehe le a mal wo, jon bi bi bôk bé nye makôô. 34 Ndi sônda yada mu, i ôm nye likoñ i mbai;+ i nlélém ngéda, matjél ni malép ma pam. 35 Nu a bi tehe i jam lini, a bi bok i mbôgi ini, mbôgi yé i yé maliga, a nyi ki le i jam a nkal li yé maliga, le ndi yak bé ni hémle.+ 36 Ni maliga, i mam mana ma bi tagbe le ndi i tilna ini i yon: “B’a bôk* bé hés yé yo ki yo.”+ 37 Tilna ipe i nkal ki le: “B’a béñge nu ba bi ôm likoñ.”+

38 I mbus mam mana, Yôsep mut Arimatia, nu a bé nnigil Yésu bisôsôli inyule a bé kon Lôk Yuda+ woñi, a bat Pilatô kunde i héya mim u Yésu; Pilatô a ti nye i kunde i. Jon a bi ke, a héya mim.+ 39 Nikôdémô,+ i mut a bi bôk a lo yak Yésu juu, yak nye a bi lona nunumba i mire mpôdnaga ni alôé,* i édék jam kiki bo 30 ma kilô.+ 40 Ha nyen ba bi yoñ mim u Yésu, ba lép* wo ikété loñge mboñ lôñni binunumba,+ inoñnaga ni bilem bi majôna bi Lôk Yuda. 41 Wom mbônji u bé bebee ni homa ba bi nôlôl nye,* soñ*+ mondo i bé mu wom u, ba bé ngi niñi mim wo ki wo mukété. 42 Kiki kel ini i bé kel ngôôba+ i ngand Pasa i Lôk Yuda, ni le soñ i bé bebee, jon ba bi niñi mim u Yésu ha.