Yérémia
18 Yéhôva a bi kal Yérémia i bibañga bini: 2 “Telep, sôs yak mma dibee,+ nyoo nyen me ga kal we bibañga gwem.”
3 Me bi sôs yak mma dibee, me koba nye a yé i mma dibee.* 4 Ndi hibee a bé mma ni ték lima hi bi ôbi i moo mé. Ha nyen mma dibee a bi témb a gwélél nlélém ték lima, a mma hibee hipe, kiki i bé lémél nye.*
5 I mbus, Yéhôva a kal ki me le: 6 “‘A bôt ba litén li Israel, baa me nla bé boñ bé i jam mma dibee nunu a mboñ?’ Hala nyen Yéhôva a mpot. ‘A bôt ba litén li Israel,+ ni yé i moo mem kiki ték lima i yé i moo ma mma dibee. 7 Ibale me nkal le me nup, me bôk, me tjé ngim loñ tole ngim ane,+ 8 ndi i loñ i, i tjôô maboñok mabe me bi béhe yo le i nwas, yak me, me ga héñha mahoñol,* me ga lona ha bé bikuu me sômblak le bi kwél yo.+ 9 Ibale me nkal le me ñoñ tole me ntéé ngim loñ tole ngim ane, 10 ndi i loñ i, i boñ mam mabe i mis mem, i nôgôl bé to me; me ga héñha mahoñol,* me ga bôñôl ha bé yo i mam malam me sômblak bôñôl yo.’
11 “Nano soho, kal bôt ba Yuda ni bôt ba ba nyééne i Yérusalem le: ‘Haana nyen Yéhôva a mpot: “Me yé i kôôbana bé bikuu, me yé ki i hek pék i kogse bé. Soho, ni boñ ha bañ mam mabe, héñhana bilem binan ni maboñok manan.”’”+
12 Ndi ba bi kal le: “U wo bañ ndutu!+ Inyule di ga boñ kiki di ngwés, hiki wada wés a ga boñ ndik mam ñem wé mbe u nkal nye.”+
13 Inyu hala nyen Yéhôva a nkal le:
“Soho, ni bat biloñ bipe.
Njee a ma nok i nya jam i?
Ngond ngi yi munlôm i Israel i mboñ jam li bilim.+
14 Baa libu li lisuni* li dikôa di Libañ li ga sôyi mu maaa mé?
Baa diléléba di di nsune, di lôlak haa, di ga sa?
15 Ndi litén jem li nhôya me.+
Inyule ba nsémél* gwom bi bi gwé bé nseñ bisesema,+
ba nlugha bôt le ba yék manjel map, manjel ma kôba,+
le ba kil i dinjela di di tégi bé, di di gwé bikumul.*
I bôt bobasôna ba ga tagbe ha bebee, ba ga hel, nyuu i kôp bo disuhuu, ba pôgôs ki miño.+
17 Kiki mbebi i nlôl i pes likôl, me ga sand bo i bisu bi baoo bap.
Iloole me nun bo, me ga kôm bo mbus i kel ndutu.”+
18 Ndi ba bi kal le: “Loga, di jubul Yérémia i jimb,+ inyule biprisi gwon bi nlama kal bés mbén,* bôt ba pék bon ba nlama ti bés maéba, bapôdôl bon ba nlama añle bés lipôdôl li Nyambe. Loga, di ôm nye nsohi,* di emble bañ to i yom a nkal.”
19 Sédi ôô a Yéhôva,
emble i jam baoo bem ba nkal.
20 Baa i yé loñge le mut a timbhe béba inyu loñge?
Ba ntém bee inyu nol me.+
Bigda lelaa me bé telep i bisu gwoñ, me soohege inyu yap,
inyu boñ le hiun hioñ hi kwél bañ bo.
21 Jon boñ le njal i nol bon bap,
boñ ki le pansoñ i nol bo.+
Boñ le baa bap ba nimis bon, ba yila ki biyik bi bôda.+
Boñ le himala hi nol bôlôm bap,
pansoñ i nol ki boñge bap ba wanda i gwét.+
22 Boñ le bôt ba nok bo ba nlond nyoo i mandap map
i ngéda mintonba mi ga puhe bo i kadal nkus wap.
Inyule ba ntém bee inyu gwel me,
ba ñamb tjandi inyu gwel makôô mem.+
23 Ndi we a Yéhôva,
u nyi bipék gwobisôna ba nhek inyu nol me.+
U hô bañ liboñok jap libe,
u sas bañ to béba yap i bisu gwoñ.
Boñ le ba baage i bisu gwoñ+
i ngéda w’a kogse bo ikété hiun hioñ.+