Tjémbi

Hiémbi hi David.

101 M’a tubul loñgeñem* ni telepsép hiémbi.

M’a tubul we tjémbi di bibégés,* a Yéhôva.

2 M’a boñ mam ni yihe, me téédaga libak jem li ngi nsohi.

Kekii u ga lo i meeni?

M’a boñ mam ma téé sép+ yak ikété ndap yem.

3 M’a bii bé jam libe* jo ki jo i bisu gwem.

Me ñoo i bôt ba ntjôô loñge njel;+

m’a bana bé maada mo ki mo ni bo.*

4 Mut* mandon a yé haa ni me;

me ta bé le me neebe* jam libe to jada.

5 I mut a ñôbôs jôl li mut wé libôk bisôsôli,+

m’a yip nye nyo.*

I mut a yé ngôk, a humblak nyuu,*

m’a nihbe bé nye.

6 I bôt ba ntéñbe ni Nyambe hana ’isi, m’a béñge bo ni mis malam,

inyu boñ le ba yén ni me.

I mut a mboñ mam ma téé sép a’ gwélél me.

7 Mut malôga to wada a’ yén bé mu ndap yem,

to mut bitembee nye ki nye a’ telep bé i bisu gwem.*

8 Hiki kegla, m’a yip manyo ma* bibéba bi bôt gwobisôna bi yé hana ’isi,

inyu sas baboñbéba bobasôna mu tison Yéhôva.+