Tjémbi
Biniigana inyu ñéga kôa; kingéda likôdôk li Yédutun.* Hiémbi hi Asaf.+
77 M’a lôndôl Nyambe ni kiñ yem;
ñ, m’a lôndôl Nyambe, a’ emble me.+
2 I kel bikuu, m’a yéñ Yéhôva.+
Me nwaa bé samblene nye moo mem juu.*
Ndi to hala me nkôhna bé hogbe.
4 U nwas bé me le me kee ’ilo;
nduña i yé me i ñem, to pot me nla bé pot.
5 Me nhoñol lelaa mam ma bé kôba,+
me mbigda nwii mi bi tagbe behee.
7 Baa Yéhôva a ga tjôô bés i boga ni boga?+
Baa a ga kônôl ha bé bés maséé kekikel?+
8 Baa loñge yé ñem* i mal i mba ni mba?
Baa hiai to hiada hi ga tehe bé lelaa mbônga wé u nyon?
9 Baa Nyambe a nhôya unda loñge yé ñem?*+
Baa hiun hié hi mboñ le a unda ha bañ konangoo yé? (Selah)
10 Me nwaa bé kal le: “I jam lini jon li ntééñga me:*+
Nungingii a nhôla ha bé bés.”*
11 M’a bigda minson mi Yéhôva;*
m’a bigda minson nwoñ mi hélha mi ngéda kôba.
12 M’a ôt pék mu nson woñ wonsôna,
me soñda ki maboñok moñ.+
13 A Nyambe, minson* nwoñ mi yé mimpubhaga.
A Nyambe, njee a yé nyambe nunkeñi kiki we?+
14 Wen u yé bañga Nyambe nu a mboñ mam ma hélha.+
U mal unda matén ngui yoñ.+
16 Malép ma bi tehe we, a Nyambe;
malép ma bi tehe we, ma sehla.+
Yak ndip malép i bi tuñgla.
17 Ond i bi kôp malép.
Ngii i kumb,
yak banwegnwek boñ ba tjama bipes gwobisôna kiki makoñ.+
18 Mbambat+ yoñ i bi bam kiki liyôgbe li makôô ma bikak bi gwét;
banwegnwek ba béyéi nkoñ ’isi;+
hisi hi sehla, hi nyeñg ki.+
19 Njel yoñ i bi tagbene mu tuye,+
dinjela tjoñ di tagbene mu malép makeñi;
ndi mut to wada a bi léba bé i homa u bi tééne mabal.