Tjémbi

118 Tina Yéhôva mayéga inyule a yé loñge;+

loñge yé ñem* i nom i boga ni boga.

 5 Ikété ndutu yem, me bi lôndôl Yéhôva;*

Yéhôva* a timbhe me, a kena ki me i homa jam jo ki jo li nkônha bé me woñi.*+

 7 Yéhôva a yé ni me, a yé nhôla+ wem;*

m’a béñge baoo+ bem i ngéda ba ga kwo.

 8 I yé nseñ i solbene yak Yéhôva

iloo i bôdôl bôt ba binam ñem.+

 9 I yé nseñ i solbene yak Yéhôva

iloo i bôdôl baane ñem.+

10 Biloñ gwobisôna bi bi kéña me,

ndi i jôl li Yéhôva nyen

me bi luhul+ gwo.

11 Bi bi kéña me, ñ, bi bi hék me bipes gwobisôna,

ndi i jôl li Yéhôva nyen

me bi luhul gwo.

12 Bi bi kéña me kiki nyôi,

ndi bi bi hoo lém kiki hié hi biloo.

I jôl li Yéhôva nyen

me bi luhul+ gwo.

13 Ba* bi nyuge me ni ngui le me kwoo,

ndi Yéhôva a bi hôla me.

14 Yéhôva a yé lisolbene jem ni ngui yem,

a bi yila ki tohi+ yem.

15 Liyôgbe li maséé li nôga mu mandap ma mabadô ma bôt ba téé sép,

ba bi kôhna tohi.*

16 Woo walôm u Yéhôva u mpaaba;

woo walôm u Yéhôva u ñunda lipémba+ jé.

17 M’a wo bé, heni, m’a niñ,

inyu añal minson mi Yéhôva.*+

18 Yéhôva* a bi kogse me bañga bañga,+

ndi a bi nwas bé le me wo.+

19 Yiblana me makôga i het bôt ba téé sép ba njubul;+

mu nyen m’a jubul i bégés Yéhôva.

21 M’a bégés we, inyule u bi timbhe+ me,

u yila ki tohi yem.

22 Ngok bôt ba maoñ ba bi tjél,

yon i bi yila ngok likas i bisu.*+

23 Hala a nlôl yak Yéhôva,+

hala a yé ki jam li hélha i mis més.+

24 I kel ini yon Yéhôva a bi téé;

di ga kon maséé i kel i, di hak ki.

26 Nu a nlôl i jôl li Yéhôva a yé nsaibak;+

di nsayap bé ibôdôl nyoo i ndap Yéhôva.

27 Yéhôva a yé Nyambe;

a nti bés mapubi.+

Jôba munu ntôñ u bôt ba nséé, ni masee i moo,+

boña hala letee ni i juu li bisesema.*+

28 U yé Nyambe wem, m’a bégés we;

u yé Nyambe wem, m’a ti we lipém.+

29 Tina Yéhôva mayéga,+ inyule a yé loñge;

loñge yé ñem* i nom i boga ni boga.+