Tjémbi
KAAT I NYÔNÔS IBA
(Tjémbi 42-72)
Biniigana inyu ñéga kôa. Maskil* i bon bôlôm ba Kôra.+
42 Kiki ñin ngôlôñ u nlôôha bana ngôñ ni malép,
hala nyen me nlôôha bana ngôñ ni we a Nyambe.
2 Kiki nyus malép i ngwel mut, hala nyen me nlôôha bana ngôñ ni Nyambe nu a niñ.*+
Imbe ngéda m’a lo i telep i bisu bi Nyambe?+
3 Gwiiha gwon bi yé bijek gwem juu ni njamuha;
kel yosôna, i bôt ba ndegle me ba nkal me le: “Nyambe woñ a yé hee?”+
4 Me mbigda mam ma ntagbe, me ñañle we mam momasôna,
inyule me bé ke ni limut li bôt;
me bé bôk jo i bisu* inyu ke i ndap Nyambe,
di leñek diléla, di tinak Nyambe mayéga,
bés limut li bôt li li bé tégbaha ngand.+
5 Kii i mboñ le me lehel ñem?+
Inyuki ñem u mpabla me?
6 A Nyambe wem, me nlehel ñem.+
Inyu hala nyen me mbigda we,+
ibôdôl i loñ Yordan letee ni i dikôa di Hermôn,
ni ibôdôl i hikôa hi Misar.*
7 Ndip malép i nsébél ndip malép ipe
i ngéda mapôô moñ ma nyôgbe.
Mangudga moñ momasôna ma yé kiki mandutu ma ma nyuu me.+
8 Njamuha, Yéhôva a ga unda me loñge yé ñem;*
yak juu, m’a tublene nye hiémbi: masoohe inyu Nyambe nu niñ yem.+
9 M’a kal Nyambe, liaa jem le:
“Inyuki u nhôya me?+
Inyuki me nke ni nduña i ñem inyule ñoo wem a ntééñga me?”+
10 Baoo bem ba nol me hiol ni ñem mbe;*
ba ndegle me kel yosôna, ba kalak le: “Nyambe woñ a yé hee?”+
11 Kii i mboñ le me lehel ñem?
Inyuki ñem u mpabla me?