Yérémia
50 I bibañga bini gwon Yéhôva a bi kal mpôdôl Yérémia inyu Babilôn,+ inyu loñ i bôt ba Kaldéa:
2 “Añlana i jam li ikété biloñ, leglana jo.
Tééna yimbne,* leglana ki hala.
Ni sôô bañ jam jo ki jo!
Kala le: ‘Babilôn a ngwéla.+
Bel a nwo nyuu.+
Mérôdak a nkon woñi.
Biôñgba bi Babilôn bi nwo nyuu.
Bisat gwé bi nyega* bi nkon woñi.’
3 Inyule loñ yada i yé lôl i pes ñombok+ inyu jôs nye gwét.
I ga yilha nye yom bilim;
mut nye ki nye a nyééne ha bé mu.
Mut binam ni nuga ba nyodi mu;
ba nke ngwéé.”
4 Haana nyen Yéhôva a mpot: “Mu dilo di, ni ha ngéda i, bôt ba litén li Israel ni bôt ba litén li Yuda ba ga ba lôñ yada.+ B’a ba ba nke,+ ba eek, bobasôna ba ga yéñ Yéhôva Nyambe wap.+ 5 Ba ga bat njel i nke i Siôn. Masu map ma nunuk nyoo,+ ba kalak le: ‘Loga, di témb di adba ni Yéhôva, di boñ malômbla ma ma nom i boga ni boga lôñni nye, ma ma ga mal bé.’+ 6 Litén jem li nyila kiki bémba i mintômba i i nimil.+ Batééda mintômba bap bon ba bi yumus i bémba i.+ Ba nkena yo i dikôa, ba bednaga, ba sôhnaga yo i dikôa dikeñi ni i dikôa dititigi. I nsôk i hôya linôyôi jé. 7 I bôt bobasôna ba bi boma yo, ba bi je yo,+ baoo bap ba bi kal le: ‘Bés bé bon di gwé njom, ngo bomede bon ba bi kôm Yéhôva mbus, ndi ki le Yéhôva nyen a yé liyééne li telepsép, nye ki nyen basôgôlsôgôl bap ba bé bôdôl ñem.’”
9 Inyule me yé i kot biloñ bikeñi bi bi nlôl i ñombok,+
me nlona gwo inyu lo i jôs Babilôn.
Bi ga kôôba mintôñ nwap mi gwét inyu leñ nye gwét;
bi ga gwel nye.
Makoñ map ma yé kiki makoñ ma njogwét,
njogwét nu a nol boñge kayéle bagwal ba yégle ngi bon;+
makoñ map ma les bé.
10 Loñ Kaldéa i ga yila nkus le bôt ba nkabna.+
I bôt bobasôna ba ga kabna nkus wé, ba ga nuu,”+ hala nyen Yéhôva a mpot.
Ni bé kumb makôô ’isi kiki ñin nyaga i ngéda u nkehel bikai,
ni himik kiki balôm ba hosi.
12 Nyuñ nan a nkon hison.+
I muda a bi gwal bé a nwo nyuu.
Nuna-ki! Nyen a nyila loñ i nsôk ikété biloñ,
a nyila nnumuk hisi ni ñoñ.+
Hiki mut nu a ga lôô bebee ni Babilôn, a ga hel, nyuu i kôp nye disuhuu.
A ga hem ki hiôa inyu bikuu gwobisôna bi nkwél nye.+
14 Telbana i jôs Babilôn, ni téé mintôñ minan mi gwét bipes gwobisôna,
a bé bobasôna ba ni nimbil* mimpihlôñgô.
15 Leña nlondok u gwét bipes gwobisôna inyu jôs nye.
Ba nyémbél nye.*
Ni kogse nye inyu mam a bi boñok bé.
Boña nye kiki a bi boñ.+
16 Mélhana i mut a nwes mbôô ikété Babilôn,
yak ni i mut a ngwel nhôdôk kwade i ngéda libumbul.+
Hiki mut a ga témb i litén jé inyule i ñoo a nol bôt ni pansoñ, a gwé bé konangoo,
hodo, hiki mut a ga ke ngwéé i loñ yé.+
17 “Bon ba Israel ba yé kiki mintômba le mut a nsand.+ Mbondo njéé i bi sand bo.+ Kiñe Asiria nyen a bi bôk a je bo;+ i mbus, Nébukadnézar,* kiñe Babilôn, a bugul bihés+ gwap. 18 Jon haana nyen Yéhôva nu mintôñ mi gwét, Nyambe nu Israel a mpot: ‘M’a kogse kiñe Babilôn ni loñ yé nlélém kiki me bi kogse kiñe Asiria.+ 19 M’a témbna Israel i homa a bé jél bikai,+ a ga kehel bikai i Karmel ni i Basan,+ a ga je, a nuu i dikôa di Éfraim+ ni di Giléad.’”+
20 “Mu dilo di, ni ha ngéda i,” hala nyen Yéhôva a mpot,
“Bôt ba ga yéñ mam mabe ma Israel,
ndi ma ga ba ha bé,
to bibéba bi Yuda bi ga nene ha bé,
inyule m’a nwéhél i bôt m’a péyés.”+
21 “Ke leñ loñ Marataim ni bôt ba nyééne i Pékod+ gwét.
Tjé bo, u sas bobasôna le fet,” hala nyen Yéhôva a mpot.
“Boñ mam momasôna me bi ti we oda le u boñ.
22 Mbimba gwét i nôga ni loñ yosôna,
tjiba ikeñi.
23 Béñgnana kiki hama i i bé tjé nkoñ ’isi wonsôna i mbugi, i nyugda!+
Béñgnana kiki Babilôn a nyila yom bilim ikété biloñ!+
24 Me bi émbél we hiandi a Babilôn, u gwiya* ki,
ndi u bi yi bé hala.
Ba bi koba we, ba gwel ki we,+
inyule Yéhôva nyen u bi kolba.
25 Yéhôva a bi yibil ndap a ntéédana bijôl bi gwét,
a pémés bijôl bi gwét a ga gwélél inyule a ñunup.+
Inyule Nwet Bayemlikok le Yéhôva nu mintôñ mi gwét a gwé ngim nson
i boñ i loñ i bôt ba Kaldéa.
26 Nyodna na i bahoma ba yé haa,+ loga i jôs nye gwét.
Yiblana mandugi mé.+
Ni kot nkus wé kiki ba nkot blé nwind nwind.
Tjéna nye hies.+
Mut to wada a pei bañ.
27 Nola bon bé ba nyaga+ bobasôna;
kena bo le ba see bo joo.
Ngoo ni bo inyule hilo hiap hi nkola,
ngéda i kogse yap!
28 Di nok makiñ ma bôt ba nso,
bôt ba yé i ke loñ Babilôn ngwéé,
inyu legel i Siôn le Yéhôva Nyambe wés a yé i pun nyemede,
a yé i pun témpel yé.+
29 Séblana baleñ mimpihlôñgô i jôs Babilôn,
i bôt bobasôna ba nimbil mimpihlôñgô.+
Ni kéña nye, mut to wada a pei bañ.
Tina nye i kogse a kôli kôhna inyu maboñok mé.+
Boña nye nlélém kiki a bi boñ.+
Inyule a bi ndogbene Yéhôva ni lipamal jolisôna,
a bi ndogbene Numpubi nu Israel.+
30 Jon boñge bôlôm ba ga kwo mu minloñ nwé,+
yak bisônda gwé gwobisôna bi ga wo* i kel i,” hala nyen Yéhôva a mpot.
31 “Nun-ki! Me ga jôs we,+ a ntonba,”+ hala nyen Nwet Bayemlikok le Yéhôva nu mintôñ mi gwét a mpot,
“inyule hilo hioñ hi ga kola, ngéda i kogse yoñ i ga kola.
32 A ntonba unu, u ga baage, u kwoo,
mut to wada a ga ba bé inyu téé we.+
Me ga ha bitison gwoñ hié,
hié hi ga ligis gwom gwobisôna ipañ yoñ.”
33 Haana nyen Yéhôva nu mintôñ mi gwét a nkal:
“Bôt ba litén li Israel ni bôt ba litén li Yuda ba nok ndutu,
i bôt bobasôna ba bi kena bo i minkôm, ba ngi gwé bo.+
Ba ntop bé nwas bo le ba kenek.+
34 Ndi Nkobol wap a gwé ngui.+
Jôl jé le Yéhôva nu mintôñ mi gwét.+
35 “Pansoñ i ga tjé bôt ba Kaldéa,” hala nyen Yéhôva a mpot,
“ni bôt ba nyééne i Babilôn, ni baane bé, ni bôt bé ba pék.+
36 Pansoñ i ga bép bapôdôl ba bitembee,* ba kahal boñ kiki bijôñ bi bôt.
Pansoñ i ga bép bôt bé ba gwét, ba bôdôl kon woñi.+
37 Pansoñ i ga tjé bihosi gwap ni bikak gwap bi gwét,
i ga bép bakén ba bôt bobasôna ba niñ i loñ yap,
ba yila kiki bôda.+
Pansoñ i ga bép nkus wap, bôt ba kadal wo.+
38 Ngoo ni malép mé, inyule ma ga sa.+
Inyule i yé loñ i mintjok mi biôñgba;+
bobasôna ba mboñ kiki bôt ba njék inyule ba ntehe biyiinda bi bi nkônhana woñi.
39 Jon binuga bi ñoñ bi ga yééne nyoo lôñni binuga bi bi mbégél,
njok dinuni yon i ga yééne nyoo.+
Mut to wada a ga yééne ha bé nyoo kekikel,
a ga ba ha bé homa liyééne tjai ndi tjai.”+
40 “A ga ba kiki i ngéda Nyambe a bi tjé Sôdôm ni Gômôra,+ ni i bitison bi bé ha bebee,+ mut nye ki nye a ga yééne ha bé nyoo, mut nye ki nye a ga ba ha bé to nyoo,”+ hala nyen Yéhôva a mpot.
41 Emblana-ki! Litén li yé i lôl i pes ñombok;
loñ ikeñi ni bikiñe bikeñi+ bi ga telep,
bi lôlak i bipes bi nkoñ ’isi bi bi yé haa.+
42 Ba nyi gwélél mpihlôñgô ni makoñ.+
Ba gwé béba ñem, ba ga kon bé mut ngoo.+
I ngéda ba nluk bihosi gwap,
mbimba yap i yé kiki mbimba i tuye nu a ñunup.+
Ba ga téé mintôñ nwap mi gwét kiki mut wada inyu jôs we, a ngond Babilôn.+
Ñem u bôô nye matjél,
a kahal nok njôghe kiki muda nu a yé i gwal.
44 “Emblana! Mut a ga lo i tjé bahoma ba njéhne bilém, kiki mbondo njéé i mpémél i put lipan nu a yé i mbaa Yordan. Kunda yada, me ga boñ le ba so loñ yap. Me téé mut me mpohol le a ane yo.+ Inyule njee a yé kiki me, njee a nla suu me sañ? Numbe ntééda mintômba a nla kolba me?+ 45 Inyu hala nyen a bôt, emblana makidik Yéhôva a nyoñ* inyu kogse Babilôn,+ ni mahoñol a gwééne bôt ba loñ Kaldéa.
Ibabé pééna, bon ba mintômba ba bémba ba ga ke haa.
Inyu maboñok map mabe, a ga yilha mayééne map hôlô.+
46 I ngéda Babilôn a ga kwo, mbimba i ga boñ le hisi hi nyeñg,
minlondok mi ga nôga ikété biloñ.”+