Tjémbi

Biniigana inyu ñéga kôa. Hiémbi hi bon bôlôm ba Kôra.+

47 A bé bôt ba litén bobasôna, bamba moo.

Béghana Nyambe inyule ni nyémbél, leña diléla.

2 Inyule Yéhôva Nungingii a nkônha woñi;+

a yé Kiñe ikeñi i hisi hiosôna.+

3 A nsuhus matén isi yés;

a mbii ki biloñ isi makôô+ més.

4 A mpohlene bés ngababum,+

yon i yé lipém li Yakôb, nu Nyambe a ngwés.+ (Selah)

5 Nyambe a bi bet i homa wé, litén li leñek diléla;

Yéhôva a bi bet i homa wé, litén li hemek hioñ.*

6 Tublana Nyambe tjémbi di bibégés,* tôba tjémbi di bibégés.

Tublana Kiñe yés tjémbi di bibégés, tôba tjémbi di bibégés.

7 Inyule Nyambe a yé Kiñe i hisi hiosôna;+

tôba tjémbi di bibégés, ni unda ki le ni gwé pék.

8 Nyambe a nyila Kiñe biloñ.+

Nyambe a yii i yééne yé ane ipubhaga.

9 Baane ba matén ba bi kodba

ni litén li Nyambe nu Abraham.

Inyule baénél ba* hisi ba yé isi énél i Nyambe.

A yôni ni lipém.+