HIÉMBI HI SALÔMÔ
1 Hiémbi hi hi nlôôha hilam,* hion Salômô+ a bi tila:
2 “A sos me ni nyo wé,
gwéha yoñ i nél me iloo wai.+
3 Nhoop woñ u numb loñge njiñ.+
Jôl joñ li yé lilam kiki labinda i i numb loñge njiñ.+
Inyu hala nyen boñge bôda ba ngwés we.
4 Kena me;* di kenek ngwéé.
Kiñe i kena me i mandap mé!
Di konok maséé, di hagak.
Di añlak* gwéha yoñ i i ne iloo wai.
Jon ba* kôli gwés we.
5 A bingond bi Yérusalem, me nhénd* ndi me yé nlam
kiki mandap ma mabadô ma Kédar,+ kiki mandap ma mabadô+ ma Salômô.
6 Ni kida bañ ni nun me inyule me nhénd,
inyule hiañgaa hi bi béyéi me.
Bon bôlôm ba mama yem ba bi unbene me;
ba bi ep me i tat nwom mi minkôô mi wai,
ndi wom wem womede, me bi tééda bé wo.
Inyuki me nlama ba kiki muda nu a nhô su wé ni yañsi*
ipôla mawanda moñ ni bibémba gwap?”
8 “Ibale u nyi bé, a we nu u yé nlam iloo bôda bobasôna,
noñ bémba kiki i nke,
u kena ki bon boñ ba kembee i je bebee ni mandap ma mabadô ma batééda mintômba.”
9 “A nugwéha wem, u yé nlam kiki ñin hosi* u u yé ipôla bihosi bi ñôt bikak bi Faraô.+
10 Bieñg bi nlémés mamañ moñ,*
yak minsañ mi perl mi nlémés joo joñ.
11 Di ga bôñôl we bieñg* bi gôl,
di péñgi silba mu.”
13 Nugwéha wem a yéne me kiki bot i mire+
i i ntégbaha u ipôla méé mem.
15 “Nun-ki! U yé nlam, a nugwéha wem.
Nun-ki! U yé nlam. Mis moñ ma yé kiki mis ma dibeñ.”+
16 “Nun-ki! U yé nlam,* u nkona ki ngôñ, a nugwéha wem.+
Tjai tjon di yé nañi yés.
2 “Kiki mbônji ipôla biloo,
hala nyen nugwéha wem a yé ipôla bingond bi bôda.”
3 “Kiki e pôm ipôla bie bi lipan,
hala nyen nugwéha wem a yé ipôla boñge bôlôm.
Me gwé ngôñ i yén isi yiye yé,
matam mé ma nél me.
4 A bi jôbna me i ndap ngand,*
bôt bobasôna ba tehe le a ngwés me.
6 Woo wé waé u yé isi ño wem,
woo wé walôm u nhôôba me.+
7 A bingond bi Yérusalem, me nkumha bé soñ
ni sô titigi, ni miñin mi ngôlôñ+ le:
ni tôdôl bañ gwéha ikété yem, to nyuñgul yo ibale yomede i nlo bé.+
8 Me nok kiñ i nugwéha wem!
Nuna-ki! Nye nu a yé i lo,
a bedek dikôa dikeñi, a pindik i ngii bon ba dikôa.
9 Nugwéha wem a yé kiki sô titigi, kiki man ñin ngôlôñ.+
Nye nunu a téé i mbus libap jés,
a mbéñgne i winda,
a pôôbege i mapondo ma winda.
10 Nugwéha wem a mpôdôs me, a kal me le:
‘Telep, a ñem wem,
a nlam nlam, di kenek.
11 Nun-ki! Mbéñ* i ntagbe.
Nop a no ha bé.
13 Matam ma bisu ma faigé+ ma nhôlôl;
yak minkôô mi wai mi mpémés bisem, mi ntu ki njiñ.
Telep, a ñem wem, lok
a nlam nlam, di kenek.
14 A hibeñ hiem, nyodi ikété bihôk bi maaa,+
i bahoma ba sôli ba mimpuge;
me gwé ngôñ i tehe we ni i nok kiñ yoñ,+
inyule kiñ yoñ i yé ilam, yak maôñg moñ ma yé malam.’”+
15 “Gwéélana bés ndon,
bon ba ndon ba ba ñôbôs nwom mi minkôô mi wai,
inyule nwom nwés mi minkôô mi wai mi mpémés bisem.”
16 “Nugwéha wem a yé inyu yem, yak me me yé inyu yé.+
A yé i jés mintômba+ i bikai.+
17 Ilole mbebi i mbôdôl hôñ,* yak yiye i nyoi,
a nugwéha wem, pala témb,
lela dikôa di di yé ipôla yés* kiki sô titigi,+ tole kiki man ñin ngôlôñ.+
3 “Hiki u i ngii nañi yem,
me nyéñ nugwéha wem.+
Me nyéñ nye, ndi me ntehe bé nye.+
2 Me ga telep, me kiiña ni tison yosôna;
i minloñ ni bahoma bobasôna,
nwaha me, me yéñ nugwéha wem.
Me nyéñ nye, ndi me ntehe bé nye.
3 Batat ba ba nkiiña i tison ba boma me.+
Me bat bo le: ‘Baa ni ntehe nugwéha wem?’
4 Kiki me ntagbe ndik bo,
me tehe nugwéha wem.
Me adbe nye nyuu, me gwés ha bé le a kee,
letee me jôbna nye i ndap mama yem,+
ikété tuñ i nu a bi gwal me.
5 A bingond bi Yérusalem, me nkumha bé soñ
ni sô titigi, ni miñin mi ngôlôñ le:
Ni tôdôl bañ gwéha ikété yem, to nyuñgul yo ibale yomede i nlo bé.”+
6 “Kii i nlôl nyoo i ñoñ i pônaga mél ma hiida,
i numbuk mire ni labinda,
ni mabu ma ma numb loñge ma bôt ba nyuñga?”+
7 “Nuna-ki! Kak liké* i Salômô ini.
Môm masamal ma mimpémba mi bôt mi téé yo ipañ,
mi bi yôña ikété mimpémba mi bôt mi Israel;+
8 bobasôna ba gwé pansoñ,
bobasôna ba nyi jo gwét,
hiki wada a gwé pansoñ yé i bôbôk
inyu tat kiñe le jam libe li pémél bañ nye juu.”
10 Mél mé ma yé ni silba,
makôô mé ma yé ni gôl.
Yééne yé i yé ni mahuu ma ntômba ma ma yé wedewede;*
bingond bi Yérusalem
bi bi bôñgôl kété kak ni gwéha.”
11 “A bingond bi Siôn, pama,
le ni béñge kiki Kiñe Salômô
a hééba ntut* nyañ+ a bi bôñôl nye
i kel libii jé,
i kel ñem wé u bé nyonok ni maséé.”
4 “Nun-ki! U yé nlam, a nugwéha wem.
Nun-ki! U yé nlam.
Mis moñ ma nene mu libadô li nhô su woñ kiki mis ma dibeñ.
Tjôñ tjoñ di yé kiki bémba i kembee
i i nsôs dikôa di Giléad.+
2 Masoñ moñ ma yé kiki bémba i mintômba le ba ntip end,*
mi mi ntip lôl i jogop,
nwominsôna mi gwé mahas,
to man ntômba wada mu a nhañ bé.
3 Bibép gwoñ bi yé kiki kôyôp bôñgô,
yak bipôdôl gwoñ bi ne.
Mamañ* moñ ma nene mu libadô li nhô su woñ
kiki grénad le ba nkan.
4 Joo+ joñ li yé kiki nkum ndap u David,+
u u bi ôña ni minkééhaga mi ngok,
i het ba nkéi hikôô hi biben,
biben gwobisôna bi mimpémba mi bôt+ bi bi yé ngiiña.
7 “Wensôna u yé nlam, a nugwéha wem,+
to liton li ta bé we i nyuu.
Nyodi i ngii hikôa Amana,*
i ngii hikôa Sénir, i ngii hikôa Hermôn,+
i bihôk bi mbondo njéé, i dikôa di njéé.
9 A mankéé nu muda, a we nu me nsômbôl bii, u bi yoña me ñem,+
u bi nun ndik me ngélé yada, u yoña me ñem,
ni nsañ wada mu minsañ mi joo joñ.
10 A mankéé nu muda, a we nu me nsômbôl bii, gwéha yoñ i nél me!+
11 A we nu me nsômbôl bii, bibép gwoñ bi ntoi wéi.+
Wéi ni milik bi yé isi hilémb hioñ,+
yak njiñ mambot moñ i yé kiki njiñ Libañ.
12 Mankéé nu muda, nu me nsômbôl bii, a yé kiki wom le ba nkwés ikété lipénd,
nkwéhék wom yaga, lingen li li yé nyibik.
13 Bie* bi wom* woñ bi gwé ngandak grénad,
ni matam malam, ni bie bi lélé bausa lôñni bie bi binunumba,
14 binunumba+ ni mbônji bikai,* makai*+ ni hiomi,+
ni mintén mi bie nwominsôna mi mi nti binunumba, mire, ni alôé,*+
lôñni bie gwobisôna bi bi numb loñge.+
15 U yé lingen ikété wom, bee i malép malam,
diléléba di di nlôl i Libañ,+ ndi di kulak.
16 Tôde, a mbebi ñombok;
loo, a mbebi nwelmbok.
Hôña munu wom wem u mbônji.
Inyu boñ le njiñ yé i tu homa nyensôna.”
“Nugwéha wem a jôbôk ikété wom wé u mbônji,
a jek ki matam malam ma wom wé.”
Me ket mire yem ni binunumba gwem.+
Me je babi yem wéi ni wéi wem;
me nyo wai yem ni milik nwem.”+
“A mawanda di ngwés, jena!
Nyona, ni hiôô ki gwéha!”+
2 “Me yé i ke ’ilo, ndi ñem wem wo u yé péé.+
Me nok nugwéha wem a nkoode!
‘Yible me a mankéé nu muda, a nugwéha wem,
a hibeñ hiem, a we nu u gwé bé liton i nyuu!
Inyule manwee ma nyôôs ño wem,
matôi ma malép ma nyôôs tjôñ tjem juu.’+
3 Me bak me héya mbot yem.
Baa me témb me haba yo?
Me bak me jôwa makôô mem.
Baa me témb me hindis mo?
4 Nugwéha wem a nhéya woo wé i lipondo li likôga,
ñem wem u bôdôl bép ni ngui inyu yé.
5 Me bi telep inyu yible nugwéha wem;
moo mem ma bé toi* ni mire,
yak dinoo tjem di bé yoo môô ma mire,
munu bigwélél bi likôga.
6 Me bi yible nugwéha wem,
ndi me bi koba ha bé nugwéha wem, a bi ke, a yék me.
I ngéda a bi ke, me bi nôgda wengoñle me nwo nano.
Me bi yéñ nye, ndi me bi léba bé me nye.+
Me bi sébél nye, ndi a bi neebe bé me.
7 Batat ba ba bé kiiña i tison ba bi boma me.
Ba bép me, ba babaa yak me.
Batat ba ba bé ba téé i ngii mabap ba bi kadal me yañsi.
8 A bingond bi Yérusalem, me nkumha bé soñ le:
Ibale ni nkoba nugwéha wem,
kala nye le me nkon kon u gwéha.”
9 “Nugwéha woñ a nloo bana bôlôm bape ni kii,
a we nu u yé nlam iloo bôda bobasôna?
Nugwéha woñ a nloo bana bôlôm bape ni kii,
le ndi u bat bés le di kum soñ hala?”
10 “Nugwéha wem a yé nlam, a kôibak ki;
to a téé ikété jôm li dikôô, me nyi nye.
11 Ño wé u yé gôl, bañga gôl yaga.
Tjôñ tjé di yé kiki masee ma lién* le mbebi i ndéñgés,
di héndék kiki boboñ.
12 Mis mé ma yé kiki dibeñ di di yé bebee ni lép,
di nogbak ni milik,
di bak di téé bebee ni titimba i i yé nyonok ni malép.*
13 Mamañ mé ma yé kiki homa le ba mbel binunumba,+
hikuu i het ba mbel mbônji i i numb loñge.
Bibép gwé bi yé mbônji, bi toyok môô ma mire.+
14 Dinoo di moo mé di yé gôl, gwalak bi bak ni krisôlitô.
Nyuu yé i yé kiki mañ mi njok le ba nse, ba eñg ni safirô.
15 Makôô mé ma yé kiki mél ma ngok mpuma ma ma yé i ngii bitééne bi bañga gôl.
A yé nlam kiki Libañ, a yé nténdéé kiki bie bi sidar.+
A bingond bi Yérusalem, nugwéha wem nunu, nunu nyen me ngwés.”
6 “A we nu u yé nlam iloo bôda bobasôna,
nugwéha woñ a nke hee?
A nyoñ imbe njel?
Lok, di hôla we i yéñ nye.”
2 “Nugwéha wem a nsôs i wom wé,
i homa a bi bel binunumba,
inyu jés bémba nyoo i wom,
ni inyu ket mbônji.+
3 Me yé inyu nugwéha wem,
yak nugwéha wem a yé inyu yem.+
A yé i jés mintômba i bikai.”+
4 “A nugwéha wem,+ u yé nlam kiki Tirza,*+
u yé nlam kiki Yérusalem,+
bilama gwoñ bi nsuk me kiki mintôñ mi gwét mi mi nkodba i jo gwét.+
5 Mis+ moñ ma nun bañ me,
inyule i ngéda u nun me, ñem wem u mpuñgla.
Tjôñ tjoñ di yé kiki bémba i kembee
i i nsôs dikôa di Giléad.+
6 Masoñ moñ ma yé kiki bémba i mintômba
mi mi ntip lôl i jogop,
nwominsôna mi gwé mahas,
to man ntômba wada mu a nhañ bé.
7 Mamañ* moñ ma nene mu libadô li nhô su woñ
kiki grénad le ba nkan.
8 To ibale baa ba kiñe ba yé 60,
to ibale manyaa ma yé 80,
to ibale bingond bi bôda bi yé ngandak lelaa,+
9 wada ndik nyen a yé hibeñ hiem,+ nu a gwé bé liton i nyuu.
A yé tôbôtôbô i mis ma nyañ.
Nyen a nlémél nyañ ikété bon bobasôna nyañ a bi gwal.*
I ngéda dingonda dipe di mboma nye, di nkal nye le a yé kimasoda;
yak baa ba kiñe ni manyaa ma kiñe ba mbégés nye.
10 ‘Numbe nu muda a mbai hala kiki maye ma kel,
a yé nlam kiki sôñ,*
a mbai kiki mapubi ma hiañgaa,
bilama gwé bi nsuk me kiki mintôñ mi gwét mi mi nkodba i jo gwét?’”+
11 “Me bi sôs i wom u kômôl,+
inyu tehe too bibebela bi ño i nsôsôgô,*
inyu tehe too minkôô mi wai mi nsem,
too bie bi grénad bi mpémés bisem.
12 Ibabé le me yi,
i ngôñ ini i bi boñ me le me pam ngi kôôba
i bisu bi bikak bi mintôô mi bôt* ba litén jem.”
13 “A ngond Sulam, témb ni mbus, témb ni mbus!
Témb ni mbus, témb ni mbus,
inyu boñ le di memle bilama gwoñ!”
“Inyuki ni memle bilama bi ngond Sulam?”+
“Bilama gwé bi yé wengoñle mintôñ ima mi mi nsak lôñ!”*
7 “Makôô moñ ma yé malam ikété bitamb gwoñ,
a bañga hingonda!
Maôñg ma mabel moñ ma yé kiki bieñg bilam,
nson u moo ma mut likeñge.
2 Jôp joñ li yé ngiiña libôndô.
Mpôdnaga wai u hañ bañ mu kekikel.
Libum joñ li yé nwind mi blé,
mi mi yé nkéñék ni mbônji.
3 Méé moñ ma yé kiki bon iba ba ñin ngôlôñ,
mahas ma sô titigi.+
4 Joo+ joñ li yé kiki nkum ndap ba ñoñ ni mañ mi njok.+
Jôl joñ li yé kiki nkum ndap u Libañ,
u u mbéñge i pes i Damaskô.
Mimbôñgô nwoñ mi tjôñ mi nyumus* kiñe.
6 A hingonda me ngwés, u ne iloo mane momasôna,
kinje nlam u yé, kinje bilem bilam u gwé!
8 Me bi kal le: ‘Me ga bet i ngii lién
inyu kit mayuu ma ma gwé matam.’
Méé moñ ma ba kiki liyuu li minkôô mi wai,
yak njiñ nhébék woñ i ba kiki njiñ pôm,
9 yak nyo* woñ u ba kiki wai ilam.”
“I kuli mbeñel i libit li nugwéha wem,
kiki i mbéna kuli mbeñel i bibép bi bôt ba yé ’ilo.
10 Me yé inyu nugwéha wem,+
metama nyen a ngwés.
12 Di pule telep, di kee i nwom mi minkôô mi wai
inyu tehe too minkôô mi wai mi ntoo,
too bisem bi nyibla,+
too bie bi grénad bi nsem.+
Nyoo nyen m’a unda we gwéha yem.+
Matam ma mondo ni minlômbi mi matam,
me ntééda mo inyu yoñ, a nugwéha wem.
8 “Ibale u bak to mankéé nu munlôm,
nu a bi nyuñ méé ma mama yem!
Ki i ngéda me mboma we, me nsambla we,+
mut nye ki nye a ga yan bé me.
Ki me nti we wai i i yé mpôdnaga ni binunumba,
malép ma matam ma grénad.
3 Ki woo woñ waé u yé isi ño wem,
yak woo woñ walôm u hôôbaga me.+
4 A bingond bi Yérusalem, me nkumha bé soñ le:
ni tôdôl bañ gwéha ikété yem, to nyuñgul yo ibale yomede i nlo bé.”+
5 “Numbe nunu muda a nlôl i ñoñ,
a ma nigbene nugwéha wé?”
“Me bi tôdôl we i ngéda di bé isi e pôm.
Ha nyen nkôôga u bi bôdle nyuñ.
Ha ki nyen a bi gwélél we ikété njôghe i nkôôga.
6 Tééda me bebee ni ñem woñ kiki béndél,
i woo woñ kiki béndél,
inyule gwéha i gwé ngui kiki nyemb,+
yak ngôñ mut a gwé i téñbe ni nugwéha wé i nhéñha bé kiki Soñ.*
I gwéha i, i yé kiki lindômbôô li hié, lindômbôô li hié li Yah.*+
Ibale mut a noode somb gwéha ni nkus wonsôna u ndap yé,
ba ga yan wo.”*
8 “Di gwé mankéé wés nu muda nu mbus,+
méé ma yé ngi pam nye.
Kii di ga boñ inyu mankéé wés nu muda
i kel ba ga bat nye libii?”
9 “Ibale a yé lipénd,
di ga oñ nkum ndap u silba i ngii yé,
ndi ibale a yé nwemel,
di ga hémb nye ni mabam ma e sidar.”
10 “Me yé lipénd,
méé mem ma yé kiki minkum mi mandap.
Jon i ngéda a mbéñge me,
a ntehe le me gwé nsañ ikété ñem wem.
11 Salômô a bééna wom u minkôô mi wai+ i Baal-Hamôn.
A bi ti bôt wom u minkôô mi wai le ba sal wo, ba tééda ki wo.
Hiki wada wap a bé lama ti nye hikôô hi batjañtjañ ba silba inyu matam mé.
12 Me gwé wom wem u minkôô mi wai, u yé yaga wem.
Hikôô hi batjañtjañ ba silba* hi yé inyu yoñ, a Salômô,
mbôgôl iba bipes bi silba inyu ba ba ntat matam mé.”
13 “A we nu u nyééne i nwom,+
basolôñ boñ ba nsômbôl emble kiñ yoñ.
Yak me, me nsômbôl nok yo.”+
Tole “Hiémbi hi tjémbi.”
Ni hop Lôk Héber, “Ôt me i mbus yoñ.”
Tole “Di béghak.”
Hala wee, boñge bôda.
Ni hop Lôk Héber, “me yé nlañga.”
Tole “yañsi ba nhaba i ngéda maéya.”
Tole “ñin wem hosi.”
I nla ki ba, “Mamañ moñ ma yé malam ipôla tjôñ tjoñ.”
Tole “minkôm.”
Ni hop Lôk Héber, “nunumba.”
I mbôñji ba mpôdôl hana, i nlôl i e ba ngwélél inyu boñ lélé bausa.
Tole “wanda.”
Tole “yale.”
I e ini yon ba nsébél ni hop Pulasi le génévrier.
I mbônji ini yon ba nsébél ni hop Pulasi le safran.
Ni hop Lôk Héber, “ndap wai.”
Tole “Ngéda nop.”
Ni hop Lôk Héber, “Ilole kel i nhép.”
I nla ki ba, “dikôa di di gwé mimpuge.” Tole “dikôa di Béter.”
A yé ngim nañi i i gwé nyôl; ba bé gwélél yo inyu begee bañga mut.
A yé ngim nañi i i gwé nyôl; ba bé gwélél yo inyu begee bañga mut.
Ni hop Pulasi le pourpre.
Tole “ntut u mbônji; ntut u tjai.”
Tole “kohol mahuu.”
Tole “Dimugul.”
Ni hop Lôk Héber, “Ilole kel i nhép.”
Tole “A mbom wem.”
Tole “Anti-Libañ.” A yé dikôa di yé nyoo i loñ Libañ.
I nla ki ba, “koo nyuu.”
Tole “paradis.”
I mbônji ini yon ba nsébél ni hop Pulasi le safran.
A yé likai jada li li numb loñge.
A yé jôl li bebela i i gwé manyuñ ma ma numb loñge, ba bé gwélél mo kiki labinda i ngéda ba bé tila Bibel.
Tole “a mbom wem.”
Tole “kuli.”
I nla ki ba, “mayuu ma lién.” Lién ba nsébél ni hop Pulasi le palmier dattier.
I nla ki ba, “bebee ni lingen li malép.”
Ni hop Lôk Héber, “Libit.”
Tole “Tison ilam.”
Tole “Dimugul.”
Ni hop Lôk Héber, “Nyen a yé numpubhaga inyu nu a bi gwal nye.”
Tole “sôñ i i nyon libôñ.”
Tole “hiléléba hi nsôsôgô.”
Tole “bôt ba nti bomede ni ñem wap wonsôna.”
Tole “lisagak li Mahanaim.”
Ni hop Lôk Héber, “Ño woñ.”
Ni hop Pulasi le pourpre.
Tole “nyoña.”
Lién ba nsébél ni hop Pulasi le palmier dattier.
Ni hop Lôk Héber, “libit.”
Bebela i i mpôna kwede.
Tole “Séôl.” Béñge Ndoñi bibuk.
“Yah” a yé lihubhak li jôl li Yéhôva.
I nla ki ba, “nye.”
Ni hop Lôk Héber, “hikôô.”