Niñlana mba ni mba i kédé masoda hana isi!
Man kaat nunu a bi tilba inyu hôla we i yi nje a bi heg hisi ni gwom gwobisô bi yé mu. U nke i yi le Djob nu a bi heg hisi a gwé jôl. Ikété man kaat nunu, di ga toñol ki inyuki Djob a bi heg mut binam ni lelaa u nla niñ loñge hana hisi mba ni mba.
Di mbot ñem le ngandak bititii kaat ini i gwé bi ga hôla we i tibil tehe mam mana. Inyu boñ le u kôhna bañga nseñ, u nlama añ bipes bi bikaat bi Bibel bi bi yé i pañ libim li bititii. Ngéda u nyéñ gwo wemede, w’a añ mimbônga minlam mi Djob mi mi yé ikété Bibel, ni yom Djob a nkal le u boñ le ndi mimbônga mini mi yon inyu yoñ.
U nla ki gwés gwélél man kaat nunu inyu hôla bôt bape. Ibale u gwé bon, u nla gwélél nye inyu hôla bo i yi nje a yé Djob. Ibale u niñil i ngim loñ le ngandak minañag mibôt mi nyi bé añ, u nla gwélél bititii inyu hôla bo i nog yom Djob a nkôôbana bôt, le ndi yag bo, ba kahal hôla bôt bap ba libôg.
Di gwé bot ñem i yôni le yigil ini y’a néhne we njel inyu kôhna ngandak bisai, ni le y’a hôla we i éba bôt bape lelaa ba nla niñ mba ni mba hana i nkoñ isi.