Baa u ga boñ nsômbôl Yéhôva?

Di nti we mayéga inyule u nyoñ ngéda i nigil man kaat nunu. I nhôla we i yi Mbôgi Yéhôva, ntôñ wap ni nson wap. Di nhoñol le kaat ini i nhôla we yi le bés bon di yé baboñ sômbôl i Yéhôva i len ini. Di nti we makénd i kena yigil yoñ ni bisu. Añle lihaa joñ ni mawanda moñ gwom u nigil. Bana lem i lo i makoda més.​—Lôk Héber 10:23-25.

Wa ga tehe le, kiki u mba u nkônde yi njee a yé Yéhôva, wa ga kônde ki nôgda gwéha a gwé inyu yoñ. Hala a ga tinde we i boñ yom yosôna u nla inyu unda gwéha yoñ inyu yé. (1 Yôhanes 4:8-10, 19) Ndi lelaa u nla unda Yéhôva le u ngwés nye i niñ yoñ hiki kel? Inyuki nôgôl mambén mé i yéne we nseñ? Kii i ga hôla we i boñ sômbôl Djob lôñ yada ni bés? I nwet a niiga we Bibel a mba maséé ngandak i hôla we kôs mandimbhe i mambadga mana. Hala a ga boñ le we ni lihaa joñ ni ‘tééda bébomede ikété gwéha i Nyambe ikepam niñ boga.’​—Yuda 21.

Di yé maséé i ti we makénd le u ke ni bisu i hol ikété maliga ni njel yigil i kaat ini le . . . “Ni téédaga bébomede ikété Gwéha Nyambe.”