Buk inyu bagwal

Limbe likébla li nlôôha lilam ni nla ti bon banan? Ba gwé ngôñ ni ngandak mam. Kiki héga, le ni gwés bo, ni éga bo, ni le ni tat bo. Ndi likébla jada li nloo mana momasôna ngandak. Jon li yé le ni niiga bon banan i yi Yéhôva ni i yi maliga ma nlébna ikété Bibel. (Yôhanes 17:3) I yi i yon i ga hôla bo i nañ ikété gwéha i Yéhôva, ni i gwélél nye ni ñem wap wonsôna, i bôdôl yaga bo bon batitigi.​—Matéô 21:16.

Ngandak bagwal i nléba le bon batitigi ba mbéna yoñ ngaba i miñañ mi mi nom ndik ndék manut, mi ban-ga ki bon ba mambadga. Inyu njom i nyen di yé maséé i ti bé man kaat nunu le, Miñañ nwem mi Bibel. Hiki ñañ u ntilba nya i nlet bé to ndék inyu niiga. Bititii, ni minkwel, bi yé tôbôtôbô inyu bon ba ñwii maa, to ba ngi pam hala. Ngim mambabga ma yé mu le ni nla gwélél. Kaat ini le Miñañ nwem mi Bibel i ta bé yom mintuk inyu boñge. I yé kaat inyu bagwal, le ba éñél yo bon bap, ni meya i kwel ni bo.

Di yé nkwoog nkaa le kaat ini i ga hôla bé i niiga bon banan maliga ma Bibel ‘ibôdôl yaga bo minkéñé mi bon.’​—2 Timôtéô 3:14, 15.

Lôktata nan,

Juu li Bakena ntôñ u Mbôgi Yéhôva

[Titii i lipep 3]