Ti makénd
Inyuki i yé nseñ le bagwélél ba Djob ba tina makénd?
Yés. 35:3, 4; Kôl. 3:16; 1 Tés. 5:11; L.Héb. 3:13
Bigda mini miñañ mi Bibel:
2 Miñ. 32:2-8—I ngéda Lôk Asiria i bi lo i jôs bo, Kiñe Ézékia a bi ti litén jé makénd
Dan. 10:2, 8-11, 18, 19—I ngéda mpôdôl Daniel a bé ñunuk, a nimis ki makénd mé, añgel yada i bi ti nye makénd, i lédés ki nye
Inyuki Yéhôva a mbem le mimañ mi likoda mi ti bape makénd?
Béñge yak Mat. 11:28-30
Bigda mini miñañ mi Bibel:
Ndiimba 3:28; 31:7, 8—Yéhôva a bi bat Môsi le a yoñ Yôsua, nu a bé lama yoñ tel yé, a ti nye makénd, a lédés ki nye
Minson 11:22-26; 14:22—I ngéda ndééñga, baôma le Paul bo Barnabas ba bi ti bikristen bi Antiôkia makénd
Inyu ti mut makénd, inyuki i nlôôha ba nseñ le di bégés mam malam a mboñ?
Bigda mini miñañ mi Bibel:
Bak. 11:37-40—Bôda ba Israel ba bé yuuga ngon Yifta hiki nwii inyu bégés nye inyule a bi neebe i yék ndap isañ inyu ke i gwel nson i lap Nyambe
Mas. 2:1-4—To hala kiki Yésu a bé lama kodol bikristen bi Éfésô, a bi kal bo mam malam ba bé boñ
Lelaa di nla ti lôk kéé yés i bôlôm ni i bôda makénd?
Bin. 15:23; Éfé. 4:29; Flp. 1:13, 14; Kôl. 4:6; 1 Tés. 5:14
See also 2 Kor. 7:13, 15, 16
Bigda mini miñañ mi Bibel:
1 Sam. 23:16-18—Yônatan a bé yi le liwanda jé David li gwé ngôñ ni makénd, jon a bi yéñ nye inyu lédés nye
Yôh. 16:33—Ndémbél Yésu a bi yigle banigil bé i bi ti bo makénd, i kwés ki bo nkaa le yak bo ba nla yémbél nkoñ ’isi
Minson 28:14-16—Kiki a bé ke i bikééhene i Rôma, ñôma Paul a bi témb a yoñ ngui i ngéda a bi tehe lôk kéé i i bi nyodne haa inyu lo ti nye makénd
Inyuki di nlama keñgle lem i tjelel ni i yan bape?
Bigda mini miñañ mi Bibel:
Ñañ.b. 11:10-15—Mpôdôl Môsi a bi tomb ngandak inyule litén li bééna lem i tjelel, li bak ndok
Ñañ.b. 13:31, 32; 14:2-6—Bipôdôl bibe bi jôm li bôt ba mbep, ba ba bééna bé hémle, bi bi tômbôs litén, bi tinde ki bo i ndogop
Inyuki i tégbaha ngéda ni lôk kéé yés i ti bés makénd?
Bin. 27:17; Rôm. 1:11, 12; L.Héb. 10:24, 25; 12:12
Bigda mini miñañ mi Bibel:
2 Miñ. 20:1-19—I ngéda ntôñ gwét nkeñi u bi lo i jôs Yuda, Kiñe Yéhôsafat a bi kot litén le ba soohe ntôñ
Minson 12:1-5, 12-17—I ngéda ba bi nol ñôma Yakôbô, ba leñ yak ñôma Pétrô i mok, lôk kéé i likoda li Yérusalem i bi kodba inyu soohe ntôñ
Inyuki i bigda botñem yés i nti bés makénd i téñbe, yak i ngéda mandutu?
Minson 5:40, 41; Rôm. 8:35-39; 1 Kor. 4:11-13; 2 Kor. 4:16-18; 1 Pét. 1:6, 7
Bigda mini miñañ mi Bibel:
Bib. 39:19-23; 40:1-8—To hala kiki ba bi ôm nye nsohi, ba ha ki nye i mok inyu jam a bi boñ bé, Yôsep a bi téñbe ni Yéhôva, a bak ki bebee i hôla bape
2 Bik. 6:15-17—Mpôdôl Élisa a bi kon bé woñi i ngéda ntôñ gwét u bi lo i boma nye, a soohe le yak ngwélél wé a kon bañ woñi
Bañga i Yéhôva i nla ti bés makénd
Lelaa Yéhôva a mbôn le a ga hôla bés?
Inyuki hala a nti bés makénd i ngéda di ñôt pék mu hônba ni konangoo bi Yéhôva?
Kii Yéhôva a nla boñ inyu bôt ba ntomb?
Tjé. 46:1; Yés. 12:2; 40:29-31; Flp. 4:13
Bigda mini miñañ mi Bibel:
1 Sam. 1:10, 11, 17, 18—I ngéda Hana a bé ikété nduña, a siidaga, a bi soohe Yéhôva, yak Yéhôva a emble masoohe mé, a hôla ki nye i kôhna hogbe
1 Bik. 19:1-19—I ngéda mpôdôl Éliya a bi tomb, Yéhôva a bi ti nye bijek ni malép. A ti nye makénd, a ti ki nye botñem inyu hôgbaha nye
Lelaa mimbônga mi Bibel mi nla ti bés makénd?
2 Miñ. 15:7; Tjé. 27:13, 14; L.Héb. 6:17-19; 12:2
Bigda mini miñañ mi Bibel:
Hiô. 14:1, 2, 7-9, 13-15—Yak i ngéda Hiôb a bi tomb bañga bañga, a bé yi le Yéhôva a ga tugul nye, hala a bi ti nye hogbe
Dan. 12:13—I ngéda mpôdôl Daniel a bi pamna jam kiki bo 100 nwii, bebee le, añgel yada i bi ti nye makénd, i kal nye le a ga kôhna bibom i mbus ngéda
I ngéda di nsoohe Yéhôva, di ôdôk ki pék mu mam di nyi inyu yé, lelaa hala a nla ti bés makénd?
Tjé. 18:6; 56:4, 11; L.Héb. 13:6
Bigda mini miñañ mi Bibel:
1 Sam. 30:1-9—I ngéda Kiñe David a bé ikété ndutu, a bi soohe Yéhôva, a témb a kôhna ngui
Luk. 22:39-43—I ngéda Yésu a bi boma ndutu ikeñi, a bi soohe bañga bañga, yak Yéhôva a emble nye, a éble nye añgel inyu ti nye makénd
Mambe makénd di nkôhna i ngéda di nok manwin malam? Inyuki di nlama añle mo bôt bape?
Bigda mini miñañ mi Bibel:
Minson 15:2-4—I ngéda ba bé yuuga makoda, baôma le Paul bo Barnabas ba bi lédés lôk kéé bañga bañga
3 Yôh. 1-4—I ngéda ñôma Yôhanes a bi un, hala a bi lôôha ti nye makénd i ngéda a bi nok le i bôt a bi añle ñañ nlam ba bé téñbe ni maliga