Môl ma lipém; Bitel
Baa bikristen bi ngwélél ngim môl inyu ti bape lipém ikété likoda?
Bigda unu ñañ u Bibel:
Luk. 18:18, 19—To hala kiki a bé loñge mut, Yésu a bi tjél tel i “Loñge Malét,” a kal le ndik Nyambe nyetama nyen a yé loñge
Inyuki bikristen bi ngwélél bé bitel kiki bo “Tata” tole “Ñéga”?
Bigda mini miñañ mi Bibel:
Mat. 23:9-12—Yésu a bi kal le di gwélél bañ bitel kiki bo “Tata” tole “Ñéga” inyu ti bôt lipém
1 Kor. 4:14-17—To hala kiki ñôma Paul a bé kiki isañ inyu ngandak bikristen, di ñañ bé homa to wada le ba bé sébél nye le Tata Paul, to ti nye tel ipe yo ki yo
Inyuki bikristen bi nlama séblana “mankéé”?
Béñge yak Minson 12:17; 18:18; Rôm. 16:1
Bigda unu ñañ u Bibel:
Mat. 12:46-50—Yésu a ntehe i bet ba ngwélél Yéhôva kiki lôk isañ yé
Kii i nyis bés le, inyu ti baénél, bakéés ni bangomin lipém, di nla sébél bo ni bitel gwap?
Bigda unu ñañ u Bibel:
Minson 26:1, 2, 25—I ngéda Paul a bé pôdôs bangomin kiki bo Agripa ni Festô, a bi gwélél i bitel bôt ba bé béna gwélél inyu ti bo lipém