Mino Mi Minkwel

Inyu bagwélél ba Yéhôva, ntuba u yé u jôp ikété bibégés ba nti Djob. Ndi bahogi ikété yap ba nwo nyuu i tôp i mbamba. Lelaa di nla yémbél woñi i gwélél kiñ yés inyu tubul Yéhôva tjémbi di bibégés? I yigil ini i nti bés manjom malam i tôp ni maséé, i nti ki bés maéba inyu lémés kiñ yés ntuba.

Di nla ôt biniigana bi mahee mu bitelbene bi bitison bi lisolbene i nlômbi Israel. I yigil bisu, ni wan manjel baboñbéba ba nla gwélél inyu yéñ lisolbene yak Yéhôva i len ini. I yigil i noñ ha, ni béñge lelaa ndémbél i Yéhôva i nhôla bés i nwéhél bôt bape, i diihe niñ, ni i bana maboñok malam.

Gwigil bini gwobiba bi umne i maéba mbuu Djob u bi tinde Paul i ti lôk kéé i Kôlôsé. Yigil i bisu i ntoñol kii di nla boñ ngéda di nok mahoñol ma nkoñ isi ma ma nene malam, tole ma ma nlôbhe bés. Yigil i noñ ha, i mbigdaha bés lelaa di keñgle maboñok ma ma nsôñga bés i kôhna bisai bi Yéhôva a mbôn bés.