Baa hémle yoñ inyu mimbônga mi Yéhôva i umi siñ?

Yôsua bo Salômô ba bi kal le mimbônga mi Yéhôva mi nyon ndigi. (Yôsua 23:14; 1 Bikiñe 8:56) Mbôgi i bôt ba maliga bana bo iba, i nkônde lédés hikuu hi hémle yés.​—2 Korintô 13:1; Titô 1:2.

Lelaa Yéhôva a bi yônôs mimbônga nwé i dilo di Yôsua? We ni lihaa joñ ni béñge ini vidéô ni hop Pulasi le ‘Pas une seule parole n’a failli.’ I mbus, ni wan mambadga mana: (1) Lelaa ni nla kôna minson mi hémle mi Rahab? (Lôk Héber 11:31; Yakôbô 2:24-26) (2) Lelaa ndémbél i Akan i ñéba le i kôôba ndogop i nkena i tjiba? (3) To hala kii bôt ba Gibéôn ba bé bôt ba gwét, inyuki ba bi lôk Yôsua, ba boñ ki nsañ ni Israél? (4) Lelaa lipôdôl li Yéhôva li bi nene maliga ngéda bikiñe bitan bi Lôk Amôr bi bi jôs Israél? (Yôsua 10:5-14) (5) Lelaa Yéhôva a bi hôla we inyule u bi bii gwéñe bi Ane yé kiki jam li bisu mu niñ yoñ?​—Matéô 6:33.

Ngéda di ñôt mahoñol i ngii mam momasôna Yéhôva a ma boñ, i ngii mam a yé boñ, ni i ngii mam a ga boñ, hémle yés inyu mimbônga nwé i ga kônde ki let.​—Rôma 8:31, 32.