DI NIÑIK KIKI BIKRISTEN
Bilem bilam i makôga
Bikristen bi yé yaga kiki sinima inyu nkoñ isi (1 Korintô 4:9) Jon, hala a nlama bé hélés bés le bôt ba mbéñgne bés biwinda gwap, tole ba emble bés i mbus makôga map. Ndap i nla bana kei i i nyoñ bititii ni makiñ, kayéle nwet ndap a nla béñge bés, a nok yom di nkal, a tééda yak kiñ yés. Ndék manjel ini di gwé inyu éba biloñge bi bilem ngéda di yé i makôga.—2 Korintô 6:3.
MABOÑOK MÉS (Filipi 1:27):
Éba le u ndiihe nwet ndap. U pôôbe bañ ndap yé, u je bañ, u nyo bañ, tole u gwélél bañ téléfôn yoñ ngéda u téé i likôga
BIPÔDÔL GWÉS (Efésô 4:29):
Ngéda u yé i bisu bi likôga, u kal bañ jam jo ki jo li u ngwés bé le nwet ndap a emble. Ngandak lôk kéé i ntehe nseñ i mom nwee, inyu boñ le ba tibil hoñol mam ba nlama kal