DI NIÑIK KIKI BIKRISTEN
Lelaa u nla yila bañga nnigil Bitilna
Baa u nsômbôl tééda ndéñbe yoñ ikété manoodana kiki Daniel a bi tééda yo? Daniel a bé bañga nnigil Bañga i Djob, a bé nigil yak mbañ i yé ndutu i nok. (Daniel 9:2) Bañga yigil i Bibel, i nla hôla we i tééda hémle. Lelaa hala? I nla hôlôs hémle yoñ inyu ba nkwoog nkaa le mimbônga mi Yéhôva mi ga yon. (Yôsua 23:14) I nla ki hôla we i kéñbaha gwéha yoñ inyu Djob; i gwéha i y’a ti we makénd i boñ mam ma yé malam. (Tjémbi 97:10) Ndi hee u nla bôdlene? Di wan maéba ma noñ.
Kii me nla nigil? Loñge lem yada i yigil i yé i kôôba makoda. lisoñgol li Bibel li hiki kel li nla kônde ba lilam ibale u nyoñ ngéda i boñ nyiña mu matode u nok bé. Jam lipe ki, bape ba nyoñ ngéda i wan mbañ i Bibel, tole ba boñ nyiña mu litam li mbuu, bape ki ba mbok yigil yap mu makiiña ma ñôma Paul, tole ba nyéñ tibil yi i gwom Yéhôva a bi hek. Ibale ngim mbadga i Bibel i nlo we mahoñol, tila yo inyu boñ le u wan yo ikété yigil yoñ wemede
Hee me nla lébna biniigana? Inyu léba ngim manjel, béñge vidéô i gwé ño le Bisélél bi nyiña inyu léba masôô ma nkus ma mbuu. Inyu noode ngap yoñ, boñ nyiña inyu léba kii i yé biyimbne bi binuga kaat Daniel pes 7 i mpôdôl?
Ngeñ yañen u nla yoñ inyu yigil? Lem i nigil hiki ngéda i yé hiliba inyu ba mbôô i pes mbuu. U nla bôdôl ti ndék manut inyu yigil, i mbus ngéda, u kahal kônde ndék ni ndék. Yigil i Bañga i Djob i yé kiki i tém inyu léba masôô ma nkus! (Bingéngén 2:3-6) Ngôñ yoñ inyu Bañga i Djob y’a kônde keñep, yak yigil i Bibel y’a ke ni bisu i ba lem yoñ.—1 Pétrô 2:2.
BINUGA DANIEL PES 7 I MPÔDÔL BI YÉ YIMBNE I KII?
MBADGA IPE:
Lelaa Daniel 7:8, 24 a bi yon?
YIGIL IPE:
Binuga Masoola pes 13 i mpôdôl bi yé yimbne i kii?