Hôlôs Likeñge Joñ Inyu Likalô​—Téé likalô to ibale mut a mpôdhene we i mbus likôga

INYUKI HALA A YÉ NSEÑ: I len ini, manola ma mboñ le ngandak bôt i nkon woñi i yible bakén ba bôt makôga map. Jon bôt ba binam ba mbañ ngandak bisélél i i mboñ le nwet ndap a nla tehe i we nu u nlo i yuuga nye, a pôdôs ki we ibabé i yibil likôga. To ibale di ta bé i tehe nwet bés na nye di yé kwel, di nlama bé kon woñi i tééne nye likalô inyule nye a ntehe bés. I maéba mana ma ga hôla we i téé likalô to ibale mut a mpôdhene we i mbus likôga.

LELAA DI NLA BOÑ:

• Bana litehge lilam. Ngandak bôt i i gwé bikei bi i mandap map, i ga ba maséé i kwel ni bés

• Yi le ngim kamera i yé le, we ngi koode, i mbôdôl yoñ titii yoñ ni kiñ yoñ i nya i yé le nwet ndap a tehe we, a nogok yom u mpot

• Ibale nwet ndap a ntimbhe, pôdôs kei i wengoñle nwet ndap nyen u yé i pôdôs. Nwemla, u nyiñhaga kiki u mbéna boñ. Pot jam u lamga pot ibale nwet ndap nyemede nyen a lo bisu gwoñ. Ibale i kei a yé i pôdhene we i gwé kaméra, u boge bañ su woñ mu. Ibale nwet ndap a ntimbhe bé we, u yék bañ nwin

• Ngéda u mal kwel ni nwet ndap, u hôya bañ le a ngi tehge we, a nogok i yom u mpot