Baa u nla ti ngéda yoñ ni ngui yoñ?

Mpôdôl Yésaya a bi kal le ntôñ Yéhôva hana ’isi u ga bana mahol. I ngéda i yon di niñ i len ini. (Yésaya 54:2) Mahol ma, ma mboñ le di bana ngôñ ni mandap ma Ane ma mondo, Bétel i mondo ni mandap ma makoda makeñi. Ngéda ba mal oñ nya mandap i, i mbéda le ba bôñgôl mo, ba tibil ki mo i mbus ngéda ibale ma ñôbi. Hala a nyible bés manjel inyu ti ngéda yés ni ngui yés i nson u Yéhôva: Mambe manjel?

• Di nla yoñ ngaba ngéda juu jés li likalô jon li nlama pubus ndap Ane

• Di nla neebe le ba niiga bés i bôñgôl ndap Ane

• Di nla yônôs lipep li maoñ lini le DC-50 inyu yoñ ngaba i maoñ ma ma yé bebee ni mbai yés inyu ngim ngéda

• Di nla yônôs lipep li maoñ lini le A-19 inyu hôla, sonde yada tole iloo ha, i Bétel i loñ yés tole bahoma bape bôlô i Bétel i nséla

BÉÑGE VIDÉÔ I GWÉ ÑO LE DI YÉ KÔÔBA MAOÑ MA MONDO​—DINYO MALÉP, I MBUS TIMBHE MAMBADGA MANA:

• Mambe mahol di ntehe mu ligwéélak jés li bividéô ibôdôl i nwii 2014?

• Inyu bana bividéô gwobisôna bi mbéda bés i nson u Yéhôva, mambe maoñ di yé i kôôba? Ma mbôdôl imbe ngéda, ma mal imbe ngéda?

• Kii di nla boñ inyu hôla bôlô maoñ i?

• Ibale di nsômbôl yoñ ngaba i maoñ ma Ramapo, inyuki di nlama yônôs lipep lini le DC-50 inyu hôla bôlô i maoñ bebee ni mbai yés?

• Kii ñunda le Yéhôva nyen a yé i “éga” ngôôba i maoñ mana?

• Lelaa di nla nit maoñ mana to ibale bésbomede di nla bé sal i maoñ?