Hônd i tôbôtôbô i sôñ Maye sép inyu añle bôt kii i yé Ane Djob

Yésu a bi “añal ñañ nlam u Ane Nyambe.” (Lukas 4:43) A bi unda yak bôt lelaa ba nlama soohe inyu Ane i. (Matéô 6:9, 10) I sôñ Maye sép, di ga boñ biliya bi ngui inyu añle bôt kii i yé Ane Nyambe. (Matéô 24:14) Tjek ngéda yoñ le u bana pôla i sal ni ngui mu hônd i. I bet ba ga yila basañal ba pes ngéda mu sôñ i, ba nla sal 30 tole 50 ngeñ.

Boñ biliya i éñél ngandak bôt to nlôñ wada ikété Bibel u u mpôdôl Ane Nyambe. Ngéda u ntep nlôñ kaat, u hôya bañ le bet ba ñemble we ba yé ikété ngim base. Ibale mut a ñemble we i nkwel u bisu, ti nye Nkum Ntat nu mbamba No. 2 2020. Yoñ bitelbene le u hoo kena nkwel ni bisu, u nla bôdôl yigil i Bibel ni njel kaat yada mu Nkuu wés bisélél inyu niiga. Ndék ngéda, Ane Djob i ga tjé biane gwobisôna bi bi nkolba yo. (Daniel 2:44; 1 Korintô 15:24, 25) Jon, hala a yé nsima nkeñi i éba le di nit Yéhôva ni Ane yé!